शिवसेना संपवण्यासाठी राष्ट्रवादीचे अध्यक्ष शरद पवार यांनी ठाकरे गटाचे संजय राऊत यांना सुपारी दिली असल्याचे शिवसेनेचे प्रवक्ते नरेश म्हस्के यांनी म्हंटलं आहे.

तर संजय राऊत यांनी बनवलेला हा सगळा डाव आहे आणि एक स्क्रिप्ट आहे. मातोश्रीमध्ये वजन वाढावं म्हणून राऊत यांना रोज मुख्यमंत्री यांच्या संदर्भात सकाळ, दुपारी बोलायचे असते. तर शरद पवारांनी संजय राऊत यांना शिवसेना संपवण्याची सुपारी दिली होती असंही म्हस्के यांनी म्हंटलं आहे.

तर पुढे बोलताना ते म्हणाले की, शिवसेना संपवण्यासाठी शरद पवारांनी संजय राऊत यांना सुपारी दिली होती. अजित दादा यांचे पुतळे जाळण्यासाठी जितेंद्र आव्हाड, आनंद परांजपे यांना फोन केले होते मग हे कशाला केले. कायम अजित दादा यांच्यावर ठपका ठेवायचा होता का? हे पण त्यांनी समजून घेतले पाहिजे असंही नरेश म्हस्के यांनी म्हंटलं आहे.

संजय राऊत यांनी श्रीकांत शिंदे यांनी मारायची सुपारी दिली आहे, अशा प्रकारचा आरोप केला होता. माझ्या माहितीनुसार, मुंबई पोलीस आयुक्त आणि ठाणे पोलिस आयुक्त, गृह मंत्रालय यांना पत्र दिलं आहे.पोलिस त्यांच्याकडे गेले होते जबाब घ्यायला पण त्यांनी उत्तर दिलं नाही. आज सकाळी पण अधिकारी जबाब घ्यायला गेले होते आणि त्यात मला असं कळत आहे की संजय राऊत यांनी घुमजाव केला असंही नरेश म्हस्के यांनी म्हंटलं आहे.

तर संजय राऊत म्हणत आहेत की एका कबड्डीच्या सामन्यादरम्यान माझ्या अंगावर शाई फेकणार असं कळलं होतं काल म्हणाले हत्या करणार संजय राऊत खासदार श्रीकांत शिंदे यांना बदनाम करण्याचे बिनबुडाचे आरोप करत आहेत. एकही पुरावा पोलिसांना त्यांनी दिलेला नाही. राजा ठाकूर यांनी धमकी दिली आहे का? असे विचारल्यानंतर सुद्धा त्यांनी काही सांगितलेलं नाही असंही नरेश म्हस्के पुढे म्हणालेत.

धनुष्य बाण गेल्यामुळे संतापलेले शिवसैनिक त्यांना चोपून काढतील अशी त्यांना भीती आहे. उद्धव ठाकरे यांची परिस्थिती संजय राऊत यांच्यामुळे झाली असल्याचा आरोपही नरेश म्हस्के यांनी केला आहे.