हिंगोली : भारतीय जनता पक्ष आणि शिवसेनची आगामी विधानसभा निवडणुकीत युती होणार असल्याचे बोलले जात आहे. युतीची घोषणा मात्र अजून व्हायची आहे. त्याआधीच शिवसेनेनं उमेदवारांना एबी फॉर्म वाटप करण्यास सुरवात केली आहे.
हिंगोली जिल्ह्यातील कळमनुरी मतदार संघातील शिवसेनेने जिल्हा प्रमुख संतोष बांगर यांना उमेदवारी घोषित करत पक्षाचा एबी फॉर्मही दिला आहे. शिवसेना पक्ष प्रमुख उध्दव ठाकरे यांच्या हस्ते मुंबईत एबी फॉर्म देण्यात आला आहे. तसेच, कोल्हापुर उत्तर मधून शिवसेना आमदार राजेश क्षीरसागर यांना उमेदवारी जाहीर करत त्यांनाही एबी फार्म देण्यात आला आहे.
गडहिंग्लज-चंदगड विधानसभा मतदारसंघातून संग्राम कुपेकर यांना उमेदवारी जाहीर करत त्यांनाही एबी फॉर्म देण्यात आला आहे. संग्राम कुपेकर हे विधानसभेचे माजी अध्यक्ष दिवंगत बाबासाहेब कुपेकर यांचे पुतणे आहेत. डॉ. सुजित मिणचेकर यांना हातकणंगले विधानसभा मतदारसंघातून उमेदवारी जाहीर करत एबी फॉर्म देण्यात आला आहे.
दरम्यान, भाजप आणि सेना यांच्यातील युतीची घोषणा होणे अजून बाकी असल्याने घोषणेआधीच उमेदवाराला पक्षप्रमुख उद्धव ठाकरे यांच्याकडून एबी फॉर्म दिल्याने राजकीय वर्तुळात युतीविषयीच्या चर्चा रंगू लागल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.