एकनाथ शिंदेंचं सरकार येऊन आठ महिन्यांचा काळ लोटला तरीही अजून मंत्रिमंडळ विस्तार पूर्ण झालेला नाही. आता शिंदे गटाला शिवसेना हे नाव आणि धनुष्यबाण हे चिन्ह मिळालं आहे. त्यानंतर आता मंत्रिमंडळ विस्तारासाठीच्या हालचाली वाढल्याचं चित्र दिसत आहे.
अर्थसंकल्पीय अधिवेशनाच्या आधी हा विस्तार करण्याचा शिंदे- फडणवीस सरकारचा विचार असल्याची माहिती 'साम'च्या सूत्रांनी दिली आहे. याबद्दल केंद्रीय गृहमंत्री अमित शाह यांच्याशीही चर्चा करणार असल्याची माहिती हाती येत आहे. अमित शाह सध्या महाराष्ट्र दौऱ्यावर आहेत.
उद्या अमित शाह कोल्हापुरात बैठक घेणार आहेत. या बैठकीमध्ये मंत्रिमंडळ विस्तारावर चर्चा होणार आहे. आगामी निवडणुकीसंदर्भातही चर्चा होणार असल्याची माहिती मिळत आहे. मंत्रिमंडळ विस्तारासाठीचा वेग आता शिंदे फडणवीस सरकारने वाढवला आहे.
राज्यात दीर्घकाळापासून शिंदे - ठाकरे यांचा पक्षाचं नाव आणि चिन्हासाठी संघर्ष सुरू होता. सर्वोच्च न्यायालयाने हा चेंडू निवडणूक आयोगाकडे टोलवल्यानंतर आयोगाने हा निर्णय दिला आहे. आयोगाने एकनाथ शिंदे यांच्या गटाला धनुष्यबाण हे निवडणूक चिन्ह आणि शिवसेना हे नाव दिलं आहे. मुंबई महानगरपालिका निवडणुका तोंडावर असताना आलेला हा निर्णय महत्त्वाचा ठरला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.