Anil Parab News: महाराष्ट्रात पुन्हा एकदा राजकारण तापण्याची शक्यता आहे. विधानसभेचे अध्यक्ष राहुल नार्वेकरांनी शिवसेनेतील बंडखोर आमदारांवरील अपात्रतेच्या याचिकेवर निर्णय घेण्याची प्रक्रिया सुरू केली आहे.

राहुल नार्वेकर यांनी एकनाथ शिंदे यांच्या शिवसेनेच्या आमदारांना व उद्धव ठाकरे गटाच्या आमदारांना अपात्रतेच्या कारवाईसाठी लेखी उत्तर मागितले होते. दरम्यान शिंदे गटाच्या आमदारांनी अध्यक्षांकडे मुदत वाढून मागितली आहे.

शिवसेनेतील आमदारांच्या अपात्रतेचं प्रकरण लांभणीववर पडण्याची शक्यता आहे. यावर ठाकरे गटातील आमदार अनिल परब यांनी केली आहे.

अनिल परब म्हणाले, सर्वोच्च न्यायालयाने जो निकाल दिला आहे. तो निर्णय देताना काही गाईडलाईन दिल्या आहेत. त्यामुळे एक गोष्ट नक्की आहे १६ आमदारांना अपात्र घोषित करावी लागेल. ही वेळकाढूपणा भूमिका आहे. म्हणून पुन्हा मुदत वाढ मागितली आहे. आम्ही पुन्हा कोर्टात जाऊ. लवकरच निर्णय येईल

गेल्या काही दिवसांपासून महाराष्ट्रात सुरू असलेल्या राजकीय उलथापालथीच्या पार्श्वभूमीवर महाराष्ट्र विधानसभेच्या अध्यक्षांनी शिंदे आणि उद्धव ठाकरे गटाच्या आमदारांना नोटीस बजावली होती.

विधानसभा अध्यक्ष राहुल नार्वेकर यांनी सांगितले होते की, मुख्यमंत्री एकनाथ शिंदे यांच्या नेतृत्वाखालील शिवसेनेच्या ४० आमदारांना आणि उद्धव ठाकरे गटाच्या १४ आमदारांना विधानसभेच्या सदस्यत्वाच्या अपात्रतेबाबत उत्तर मागण्यासाठी नोटिसा बजावण्यात आल्या आहेत.

शिवसेनेने (उद्धव बाळासाहेब ठाकरे) सर्वोच्च न्यायालयात धाव घेऊन अपात्रतेच्या याचिकांवर लवकर सुनावणी घेण्याचे निर्देश सभापतींना द्यावेत, अशी विनंती केली होती.

आमदार सुनील प्रभू यांनी, अविभाजित शिवसेनेचे मुख्य व्हिप म्हणून गेल्या वर्षी शिंदे आणि इतर १५ आमदारांच्या विरोधात अपात्रतेची याचिका दाखल केली होती. जेव्हा शिंदे गटाने बंड केले आणि जून २०२२ मध्ये राज्यात नवीन सरकार स्थापन करण्यासाठी भाजपसोबत हातमिळवणी केली.