खासदार संजय राऊत यांनी विधिमंडळ हे चोरमंडळ आहे, असं विधान केलं होतं. या विधानामुळे राऊत चांगलेच वादात सापडले आहेत. त्यांना पाठवलेल्या हक्कभंगाच्या नोटीसला त्यांनी अद्याप उत्तर न दिल्याने त्यांच्या अडचणी वाढण्याची शक्यता आहे.

विधिमंडळ नव्हे चोरमंडळ असं विधान करून संजय राऊतांनी वाद ओढवून घेतला आहे. याबद्दल राऊतांना हक्कभंग नोटीसही पाठवण्यात आली होती. मात्र राऊतांनी त्याला कोणतंही उत्तर दिलं नाही. त्यामुळे आता पुढील कार्यवाहीकडे लक्ष लागून राहिलेलं आहे.

विधिमंडळाने संजय राऊतांना ४८ तासांमध्ये आपलं म्हणणं लेखी मांडण्याची नोटीस दिली होती. शुक्रवारी संध्याकाळी संजय राऊतांची खुलासा सादर करण्याची मुदत संपली आहे. पण त्यांनी कोणतंही लेखी उत्तर दिलेलं नाही. त्यामुळे आता विधिमंडळाकडून पुढील कार्यवाही करण्यात येण्याची शक्यता आहे.

सूत्रांनी दिलेल्या माहितीनुसार, या प्रकरणी संजय राऊतांना विधिमंडळाकडून स्मरण पत्र पाठवलं जाणार आहे.