निवडणूक आयोगाने शिवसेना हे नाव आणि धनुष्यबाण हे चिन्ह शिंदे गटाला दिलं. यामुळे ठाकरे गटाला मोठा धक्का मानला जात आहे. यासाठी २००० कोटींचा सौदा झाल्याचा आरोप खासदार संजय राऊत यांनी केला आहे. याचा पुनरुच्चार करत आता राऊतांनी देवेंद्र फडणवीसांचंही नाव घेतलं आहे.
काय म्हणाले संजय राऊत?
"मी काल स्पष्ट सांगितलं आणि आता पुन्हा सांगतो की चिन्ह आणि पक्षाचं नाव यासाठी २ हजार कोटींचा सौदा झाला. निकाल लागण्याची प्रक्रिया सुरू होती, तेव्हा स्वतः देवेंद्र फडणवीस सांगत होते की निकाल आपल्याच बाजूने लागेल. मिंधे गटाचे लोक, एक केंद्रीय मंत्रीसुद्धा हाच दावा करत होते. तेव्हाही माझ्याकडे माहिती होती की यासाठी २००० कोटींचा सौदा झाला आहे. त्यामुळे न्याय आणि निर्णयात फरक आहे. निर्णय हा प्रचंड पैशाचा वापर करुन विकत घेण्यात आला आहे", तसंच लवकरच आपण या संदर्भातले पुरावे देऊ असंही संजय राऊत म्हणाले आहेत.
ही लढाई दोन्ही स्तरावर लढली जाईल असंही संजय राऊत म्हणाले आहे. माध्यमांशी बोलताना राऊत म्हणाले, "ही लढाई दोन स्तरांवर लढली जाईल. कायद्याची आणि जनतेतली. आम्ही लढायला सक्षम आहोत. गेल्या ७ ते ८ वर्षांपासून देशात स्वतःला स्वायत्त, स्वतंत्र म्हणवून घेणाऱ्या संस्था, यंत्रणा सत्ताधारी पक्षाच्या गुलाम झाल्या आहेत. पण आम्ही लोकांना दाखवतोय की सत्य आणि न्यायाची बाजू कशी डावलली जात आहे."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.