शिवसेना हे नाव आणि धनुष्यबाण हे चिन्ह नुकतंच शिंदे गटाला मिळालं आहे. त्यानंतर आता शिंदे गटाकडून उद्धव ठाकरे आणि त्यांच्या समर्थकांवर सातत्याने टीका केली जात आहे. अशातच आता शिंदे गटाने उद्धव ठाकरेंना एक खोचक ऑफर देऊ केली आहे.
ज्यांच्याविरोधात बंड केलं, त्यांनाच आपल्याकडे बोलवत शिंदे गटातले मंत्री संदीपान भुमरे यांनी टोला लगावला आहे. निवडणूक आयोगाच्या निकालानंतर राज्यभरातल्या शिंदे समर्थकांमध्ये उत्साहाचं वातावरण आहे. सातत्याने उद्धव ठाकरे व त्यांच्या समर्थकांवर टीका होत आहे. संदीपान भुमरे यांनीही टीका करत आता ठाकरेंच्या जखमेवर मीठ चोळलं आहे.
पक्षात आता फक्त बाप लेकच शिल्ल राहिल्याची टीका भुमरे यांनी केली आहे. ते म्हणाले, "निवडणूक आयोगाच्या निर्णयाने आम्हाला न्याय मिळाला आहे. या निकालानंतर आता ठाकरे गटाकडे राहिलेले आमदार खासदारसुद्धा आमच्याकडे येतील. त्यामुळे पक्षात फक्त उद्धव ठाकरे आणि आदित्य ठाकरेच राहतील. त्यांनीही आता आमच्या पक्षात यावं."
चिन्ह आणि नाव आम्हालाच मिळणार याची आम्हाला खात्री होतीच, असंही भुमरे म्हणाले आहेत. ते पुढे म्हणाले, "हा निकाल बाळासाहेब ठाकरेंच्या शिवसेनेच्या बाजूने आला आहे. धनुष्यबाण आपल्यालाच मिळणार याचा आम्हाला विश्वास होता. कारण ४० आमदार, १३ खासदारांसह १० अपक्ष आमदार आणि अनेक नगरसेवकही बाळासाहेबांची शिवसेनेत होते."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.