Shivsena Notice To Advocate Asim Sarode: राज्याच्या राजकारणात अनेक घडामोडी घडत असतानाच शिवसेना शिंदे गटातील १२ आमदार ठाकरेंकडे परतणार असल्याचा दावा काही दिवसांपुर्वी अ‍ॅडव्होकेट असीम सरोदे यांनी केला होता. या प्रकरणी आता शिवसेना शिंदे गटाने आक्रमक भूमिका घेत अ‍ॅडव्होकेट असिम सरोदे यांना नोटीस पाठवण्यात आली आहे. केलेल्या वक्तव्यावर दोन दिवसांत माफी मागा नाहीतर अब्रुनुकसानीचा दावा दाखल करणार असल्याचे त्यांनी म्हटले आहे.
चंदपूर येथील 'निर्भय बनो' सभेत बोलताना अ‍ॅडव्होकेट असीम सरोदे यांनी शिंदे गटाच्या आमदारांबाबत एक विधान केले होते. शिवसेना शिंदे गटाचे १२ आमदार उद्धव ठाकरे यांच्या शिवसेनेत पुन्हा परतणार असल्याचा मोठा दावा असीम सरोदे यांनी केला होता. तसेच या आमदारांची यादीही असिम सरोदे यांनी वाचू दाखवली होती.
याप्रकरणी आता शिवसेना शिंदे गटाने आक्रमक भूमिका घेतली असून असिम सरोदे यांना नोटीस पाठवण्यात आली आहे. दोन दिवसांत माफी मागा नाहीतर अब्रुनुकसानीचा दावा दाखल करणार, असे या या नोटीसमध्ये म्हटले असून आमदार बालाजी कल्याणकर यांनी हा दावा दाखल केला आहे.
शिंदे गटातील काही आमदार नाराज असून ते पुन्हा काही दिवसांत ठाकरे गटात पुन्हा प्रवेश करतील असा दावा अ‍ॅड. असीम सरोदे यांनी केला आहे. सरोदे यांनी यावेळी शिंदे गटातून पुन्हा परत येण्यास इच्छुक असणाऱ्यांची नावे देखील वाचली. आमदार लता सोनावणे, आमदार श्रीनिवास वनगा, महेंद्र दळवी, प्रकाश सुर्वे, चिमणराव पाटील, बालाजी कल्याणकर, उदयसिंह राजपूत, प्रदीप जयस्वाल, महेश शिंदे व प्रकाश आबिटकर हे आमदार परत येण्यास उत्सुक असल्याचे सरोदे यांनी जाहीर भाषणात म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.