शिवसेनेच्या दोन गटातील चिन्हाच्या वादावर आज निवडणूक आयोगात सुनावणी झाली. यावेळी शिंदे गटाचे वकील महेश जेठमलानी यांनी महत्वाचा युक्तिवाद केला. जेठमलानी यांनी २०१८ मध्ये शिवसेनेची घटना ज्या पद्धतीने बदलण्यात आली ती बेकायदेशीर असल्याचा युक्तिवाद यापूर्वी केला होता.

एकनाथ शिंदे यांच्याकडे बहुमत असल्याचे शिंदे गटाच्या वतीने सांगण्यात आले होते. यावेळी चिन्हाचा निर्णय आताच घेऊ नका असा युक्तीवाद ठाकरे गटाचे वकील कपील सिब्बल यांनी केला. ते म्हणाले शिंदे गटाची प्रतिज्ञापत्र बोगस आहेत.

त्यांची पडताळणी करा कोणताही एक कागद उचला आणि त्याची पडताळणी करा, ठाकरे गटाकडून आयोगाला सुप्रीम कोर्टाच्या निर्णयाची वाट पाहण्याची विनंती केली आहे. निवडणूक आयोगाने सर्व बाजू तपासाव्यात सर्व कागदपत्रांची छाननी करावी त्यानंतरच निर्णयापर्यंत पोहचवं असं ही ते म्हणाले.

मात्र कपील सिब्बल यांचा शिंदे गटाचे कागदपत्रं बोगस असल्याची दावा महेश जेठमलानी यांनी हा दावा फेटाळला आहे. कागदत्रांमध्ये कुठलीही त्रुटी नसल्याचे जेठमलानी यांनी स्पष्ट केले. तसेच आमदार आणि खासदार यांचे बहूमत शिंदे गटाकडे आहे, असे जेठमलानी म्हणाले.

हेही वाचा-भारतीयांनी जगाला डिजिटल पेमेंट शिकवायची आलीये वेळ...