Solapur Crime esakal
महाराष्ट्र बातम्या

८ एकर जमिनीच्या कारणातून मुलानेच केला आईचा खून! सूनेशी पटत नसल्याने राहात होत्या पत्र्याच्या शेडमध्ये; मुलगा, सून, व्याही अशा तिघांना पोलिसांनी केले जेरबंद

मुंगशी (ता. माढा) येथे शेतीच्या वहिवाटीच्या कारणावरून आईचा मुलगा, सून व व्याही या तिघांनी संगनमताने खून केल्याची घटना शुक्रवारी (ता. ३०) रात्री साडेनऊच्या सुमारास घडल्याचे समोर आले आहे. लक्ष्मी ऊर्फ शोभा महाडिक (वय ६२, रा मुंगशी) असे खून झालेल्या महिलेचे नाव आहे.

सकाळ डिजिटल टीम

कुर्डुवाडी : मुंगशी (ता. माढा) येथे शेतीच्या वहिवाटीच्या कारणावरून आईचा मुलगा, सून व व्याही या तिघांनी संगनमताने खून केल्याची घटना शुक्रवारी (ता. ३०) रात्री साडेनऊच्या सुमारास घडल्याचे समोर आले आहे. लक्ष्मी ऊर्फ शोभा महाडिक (वय ६२, रा मुंगशी) असे खून झालेल्या महिलेचे नाव आहे. मृत महिलेचा भाचा मारुती रेवडे (रा. अनाळा, ता. परंडा) यांनी दिलेल्या फिर्यादीवरून मृताचा मुलगा दत्तात्रय महाडिक, सून रजनी महाडिक (दोघेही रा. मुंगशी) व धर्मराज बागल (रा. ब्रह्मगाव, ता. परंडा) या तिघांवर गुन्हा दाखल झाला असून, पोलिसांनी तिघांनाही ताब्यात घेतले आहे. त्यांना अटक करून न्यायालयात हजर करण्यात येणार आहे.

मयत लक्ष्मी ऊर्फ शोभा महाडिक यांना आठ एकर शेतजमीन आहे. त्यांच्या पतीचे दहा महिन्यांपूर्वी निधन झाले होते. त्यांची विवाहित मुलगी सध्या ऑस्ट्रिया या देशात आहे. मृताचा मुलगा दत्तात्रय व सून रजनी मुंगशी येथे गावातच राहायला आहेत. सुनेशी पटत नसल्याने मयत शोभा मुलाच्या घराशेजारी पत्र्याच्या खोलीत राहात होत्या. शेतीच्या वहिवाटीवरून आई, मुलगा आणि सून यांच्यात वारंवार वाद होत असत. सहा महिन्यांपूर्वी त्या तिघांनी शेतीच्या वहिवाटीच्या कारणावरून शोभा यांना मारहाण केली होती. परंतु, ही बाब घरगुती असल्याने फिर्यादीने समजावून सांगितल्यावर शोभा यांनी पोलिसांत तक्रार दिली नाही.

शुक्रवारी (ता. ३०) रात्री साडेनऊच्या सुमारास फिर्यादी मारुती रेवडे यांना शोभा यांची मुलगी कल्पना यांनी परदेशातून कॉल करून, आईला शेतामध्ये मारून टाकले असून शेतात जाऊन बघण्यास सांगितले. उसाच्या शेतामध्ये शोभा या रक्ताच्या थारोळ्यात पडलेल्या दिसल्या. वरील तिघांनी शोभा यांच्या डोक्यात दगड घालून व गळा आवळून खून केल्याचे फिर्यादीत नमूद केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Health Department: भ्रूणहत्येची माहिती द्या, एक लाखाचे बक्षीस घ्या, कन्या सन्मानदिनी आरोग्य विभागाचे आवाहन

'डार्लिंग, आय लव्ह यू' वीण दोघातली ही तुटेना मालिकेत स्वानंदींला ऐकू आले समरचे प्रेमळ शब्द, दोघांची पहिली भेट आणि...

Ajit Pawar: सरकारसोबत खासगी क्षेत्रही आरोग्यसेवेत पुढे यावे; दर्जेदार उपचार सुविधा उपलब्ध करण्याचे आवाहन : अजित पवार

Krishna Janmashtami 2025: जन्माष्टमीनिमित्त मथुरा-वृंदावनला चाललात? मग जाणून घ्या कसं होणार आहे कान्हाचं दर्शन!

वॉशिंग पावडर निरमा... साक्षी- प्रियाचा जेलमधील मारामारीचा सीन पाहून प्रेक्षक हसून बेजार; म्हणतात- यांची WWF लावली तर...

SCROLL FOR NEXT