शिवसेनेतल्या बंडानंतर एकनाथ शिंदे यांची अवघ्या देशभर चर्चा सुरू झाली. त्याचवेळी अनाथांचा नाथ एकनाथ गाण्याचीही चांगलीच हवा झाली. आता त्यांचे पुत्र आणि खासदार श्रीकांत शिंदे यांच्यावरही एक नवं गाणं येत आहे.

अनाथांचा नाथ एकनाथ यानंतर आता आपला श्रीकांत शिंदे असं गाणं आज लाँच होत आहे. गायक रोहित राऊत यानं हे गाणं गायलं आहे. मुख्यमंत्र्यांच्या वर्षा या निवासस्थानी या गाण्याचं लाँच होणार आहे.

बाळासाहेबांची शिवसेनाचे सचिव सुशांत शेलार यांच्या संकल्पनेतून हे गाणं साकारण्यात आलं आहे. यापूर्वी एकनाथ शिंदे यांच्यावर आधारित असलेलं 'अनाथांचा नाथ एकनाथ' हे गाणं प्रसिद्ध गायक अवधूत गुप्ते यांनी गायलं होतं. तर त्यामागे मंगेश देसाई आणि संदीप माळवी यांची संकल्पना होती. हे गाणं महाराष्ट्रभर गाजलं आहे.