नांदेड : भाजपचे पंढरपुरची पुनरावृत्तीचे स्वप्न देगलूर-बिलोली पोटनिवडणुकीत धुळीस मिळाले आहे. काँग्रेसचे उमेदवार जितेश अंतापूरकर (Jitesh Antapurkar) यांनी भाजपचे सुभाष साबणे यांना ४० पेक्षा जास्त मतांनी पराभूत केले आहे. या विजयाचा आनंद काँग्रेस अध्यक्षा सोनिया गांधी (Sonia Gandhi) यांनीही साजरा केला. त्यांनी सार्वजनिक बांधकाममंत्री अशोक चव्हाण यांना फोन करुन अभिनंदन (Deglur Bypoll 2021) केले. तसेच गांधी यांनी जितेश अंतापूरकर यांचेही अभिनंदन करुन पुढील राजकीय वाटचालीसाठी शुभेच्छा देऊन चांगले काम करण्याची अपेक्षा व्यक्त केली आहे. तसेच राष्ट्रवादी काँग्रेसचे अध्यक्ष शरद पवार (Sharad Pawar) यांनीही फोन करुन शुभेच्छा दिल्या.

पोटनिवडणुकीतील विजयावर अशोक चव्हाण म्हणाले, की देगलूर-बिलोली पोटनिवडणुकीतील काँग्रेसच्या विजयातून सकारात्मक संदेश राज्यात गेला आहे. महाविकास आघाडीचा हा संयुक्त विजय आहे. जनतेने दाखवलेला विश्वास सार्थ ठरवू.