मुंबई - एसटी महामंडळाच्या अधिकृत खासगी हॉटेल थांब्यावर प्रवाशांना ३० रुपयात देण्यात येणाऱ्या सुविधा मुळात नसल्याचे पुढे आले आहे. त्यावरून राज्यभरातील अशा थांब्यांच्या ठिकाणी हॉटेल चालकाने एसटी प्रवाशांना ३० रुपयात चहा-नाश्ता व नाथजल पाणी बाटली उपलब्धतेबाबत तपासणीचे आदेश दिले आहे.
यासंदर्भात नागपूर येथील हिवाळी अधिवेशनात लोकप्रतीधींकडून प्रश्न विचारण्यात आल्यानंतर एसटी महामंडळ प्रशासन कामाला लागले आहे. पणन व नियोजन विभागाच्या महाव्यवस्थापकांनी लेखी आदेश काढून यासंदर्भात राज्यातील सर्व विभाग नियंत्रकांना चौकशी करून तपासणी अहवाल मागितला आहे.
जर अधिकृत हॉटेल चालकांकडून एसटी महामंडळाच्या नियमांची पायमल्ली होत असल्यास आणि अशा स्वरुपाची प्रवाशी तक्रार असल्यास त्यांच्यावर तात्काळ प्रभावाने कारवाई करण्याच्या सूचना यामध्ये दिल्या आहे. शिवाय केलेल्या कारवाईबाबतचा अहवाल प्रत्येक महिन्याच्या अखेर मुंबई सेंट्रल येथील मुख्यालयाला पाठवण्याच्या सूचना सुद्धा यामध्ये दिल्या आहे.
या कारवाई संदर्भात अधिकाऱ्यांना पुन्हा सूचना किंवा कोणतेही स्मरणपत्र देण्यात येणार नसल्याने भविष्यामध्ये या प्रकरणी तक्रार उद्भल्यास त्यास संबंधीत विभाग नियंत्रक जबाबदार धरण्यात येईल अशी तंबीच या आदेशात दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.