एसटी कर्मचाऱ्यांचा संप (ST Workers Strike) अद्यापही सुरु असून विलिनीकरणाच्या मागणीवर संपकरी ठाम आहेत. राज्य सरकारनं (Maharashtra Government) जरी संप मिटल्याची घोषणा केली असली तरी अद्याप काही कर्मचारी कामावर परतलेले नाहीत. त्यामुळे आता एसटी महामंडळ (MSRTC) टोकाचे पाऊल उचलण्याच्या तयारीत आहे. एकीकडे एसटी कर्मचारी आंदोलनावर ठाम असताना आता महामंडळाने सेवानिवृत्त/ स्वेच्छा निवृत्त कर्मचाऱ्यांसाठी जाहीरात काढली आहे. तर दुसऱ्या बाजुला कामावर न येणाऱ्या ५५ हजार कर्मचाऱ्यांना नोटीस पाठवली आहे. (MSRTC send notice to 55 thousand employee)

संप पुकारल्यानंतर कामावर न आलेल्या कर्मचाऱ्यांना एसटी महामंडळाने नोटीस पाठवून कारवाई का करू नये असं विचारलं आहे. यामध्ये सेवा समाप्ती करण्यात आलेले कर्मचारी वगळून जे कर्मचारी कामावर हजर झाले नाहीत त्यांना शिस्त आणि आवेदन कार्यपध्दतीनुसार अपराध कारवाई का करण्यात येऊ नये अशी कारणे दाखवा नोटीस बजवली आहे