मुंबईः राज्य मंत्रिमंडळाची बैठक आज सपंन्न झाली. या बैठकीमध्ये शिंदे-फडणवीस सरकारने नमो शेतकरी महासन्मान योजना जाहीर केली आहे. यासह शेतकऱ्यांसाठी महत्वाचे निर्णय घेण्यात आलेले आहेत. या बैठकीला मुख्यमंत्री एकनाथ शिंदे, उपमुख्यमंत्री देवेंद्र फडणवीस तसेच मंत्रिमंडळातील सदस्यांची उपस्थिती होती.

शेतकऱ्यांना आता फक्त एक रुपयामध्ये पीक विमा योजनेचा लाभ मिळणार आहे. तसेच नमो शेतकरी महासन्मान योजना राज्यात राबविण्यात येणार असल्याचं सरकारच्या वतीने जाहीर करण्यात आलं. विशेष म्हणजे पंतप्रधान किसान योजनेची कार्यपद्धती सुधरवण्याचा निर्णय राज्य मंत्रिमंडळ बैठकीतून घेण्याता आला. विशेष म्हणजे सिल्लोडमध्ये मका संशोधन केंद्र स्थापन करण्यासाठी २२.१८ कोटी रुपयांच्या खर्चास मान्यता देण्यात आलीय.

राज्य सरकारने घेतलेले निर्णय

1. केवळ एक रुपयात पीक विमा योजनेचा लाभ देणार. लाखो शेतकऱ्यांना मोठा दिलासा

2. नमो शेतकरी महासन्मान निधी योजना राज्यात राबविणार. पीएम किसान योजनेची कार्यपद्धती सुधारणार.

3. कापूस उत्पादक क्षेत्रात गुंतवणूक वाढविण्यासाठी नव्या वस्त्रोद्योग धोरणास मान्यता. २५ हजार कोटींची गुंतवणूक आकर्षित करणार

4. ‘डॉ. पंजाबराव देशमुख नैसर्गिक शेती मिशन’ योजनेस मुदतवाढ. योजना आणखी तीन जिल्ह्यात राबविणार.

5. सिल्लोड तालुक्यात मका संशोधन केंद्र स्थापन करणार. २२.१८ कोटी खर्चास मान्यता

यासह मंत्रिमंडळ बैठकीमध्ये अनेक महत्त्वाचे निर्णय घेण्यात आलेले आहेत. राज्याला माहिती तंत्रज्ञानात देशात आघाडीवर नेणाऱ्या नवीन माहिती तंत्रज्ञान सहाय्यभूत सेवा धोरणास मान्यता देण्यातआली आहे. ९५ हजार कोटींची गुंतवणूक आकर्षित करणार कापूस उत्पादक क्षेत्रात गुंतवणूक वाढविण्यासाठी नव्या वस्त्रोद्योग धोरणास मान्यता देण्यात आली. २५ हजार कोटींची गुंतवणूक आकर्षित करणार सहकारी संस्थांचे कामकाज परिणामकारक व्हावे म्हणून क्रियाशील सदस्यांची व्याख्या स्पष्ट. अधिनियमात सुधारणा करणार बृहन्मुंबईमध्ये समूह पुनर्विकासास मोठे प्रोत्साहन मिळणार आहे.