तात्या लांडगे
सोलापूर : इयत्ता पहिली ते नववीतील विद्यार्थ्यांची अंतिम सत्र परीक्षा उद्या (बुधवारी) संपणार आहे. त्यानंतर विद्यार्थ्यांची उन्हाळा सुट्टी सुरू होईल. १ मे रोजी परीक्षेचा निकाल जाहीर झाल्यानंतर २ मेपासून शिक्षकांची उन्हाळा सुट्टी सुरू होणार आहे.
१५ जूनपासून सुरु होणाऱ्या शैक्षणिक वर्षातील किमान २२० दिवस विद्यार्थ्यांना अध्यापन व्हावे, असे अपेक्षित आहे. मात्र, मार्च महिन्यातच शाळांकडून विद्यार्थ्यांची अंतिम सत्र परीक्षा उरकली जात होती. त्यामुळे २०० दिवस देखील अध्यापन होत नसल्याची बाब ओळखून राज्य शैक्षणिक संशोधन व प्रशिक्षण परिषदेने (एससीईआरटी) २०२४-२५ पासून अंतिम सत्र परीक्षा एप्रिलमध्येच घेण्याचे आदेश काढले. त्यानुसार यंदाही ११ एप्रिलपासून अंतिम सत्र परीक्षेला सुरवात झाली.
उद्या (बुधवारी) परीक्षेचा शेवटचा पेपर आहे. त्यानंतर विद्यार्थी शाळेत येत नाहीत, उन्हाचाही तडाखा वाढला आहे. दरम्यान, ४४ दिवसांच्या उन्हाळा सुट्टीनंतर दरवर्षीप्रमाणे १५ जूनपासून शाळा सुरु होणार आहेत.
शिक्षकांना मिळेल विशेष रजा
आता शिक्षकांना आठ दिवसांत निकाल तयार करावा लागणार आहे. २ मेपासून शिक्षकांना १४ जूनपर्यंत उन्हाळा सुट्टी आहे, परंतु जनगणना व अभ्यासक्रम बदलाच्या प्रशिक्षणामुळे यंदा बहुतेक शिक्षकांना उन्हाळा सुट्टी मिळणार नाही. उद्यापासून (बुधवारी) जनगणनेसाठी नेमलेल्या कर्मचाऱ्यांचे प्रशिक्षण सुरु होत आहे. या पार्श्वभूमीवर जनगणनेमुळे ज्या शिक्षकांना उन्हाळा सुट्टी मिळणार नाही, त्यांना पुढे शासनाकडून तेवढ्या दिवसांची विशेष रजा मिळेल, अशी माहिती प्राथमिक शिक्षणाधिकारी कादर शेख यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.