बॉलिवूड अभिनेता सुशांत सिंह राजपूत याच्या मृत्यूच्या जवळपास अडीच वर्षांनंतर आता पुन्हा त्याची चर्चा सुरू झाली आहे. यातच ही आत्महत्या नव्हे हत्याच आहे, असा खळबळजनक दावा रुग्णालयातल्या एका कर्मचाऱ्याने केला आहे.
अभिनेता सुशांत सिंह राजपूतने आत्महत्या केली नसून त्याची हत्या झाली होती, असा दावा कूपर रुग्णालयातल्या कर्मचाऱ्याने केला आहे. या रुग्णालयाच्या शवागृहात काम करणाऱ्या रुपकुमार शाह यांचा हा दावा आहे. सुशांतचा मृतदेह आला तेव्हा त्याच्या मृतदेहावर जखमा होत्या, शरीराला मुका मार लागला होता, असंही शाह यांनी सांगितलं आहे.
शाह पुढे म्हणाले, "मृतदेहावर शवविच्छेदन होत असताना मी पूर्ण वेळ तिथे होतो. मी डॉक्टरांना सांगितलं होतं की ही सुसाईड केस नसून मर्डर केस आहे. पण त्यावेळी कोणीच माझ्याकडे लक्ष दिलं नाही." नोकरीत आपल्याला त्रास होऊ नये म्हणून आपण इतके दिवस याविषयी बोललो नसल्याचं शाह यांनी सांगितलं आहे.
रुपकुमार शाह हे कूपर रुग्णालयातल्या शवागृहातच काम करत होते. दीड महिन्यांपूर्वी ते निवृत्त झाले आहेत. त्यानंतर त्यांनी या विषयी खुलासा केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.