Sushma Andhare: काही दिवसांपूर्वी शिवसेनेच्या ठाकरे गटाच्या उपनेत्या सुषमा अंधारे यांच्या वादग्रस्त वक्तव्याचे व्हिडीओ व्हायरल झालेत. यामुळे सुषमा अंधारे यांच्या अडचणी वाढत आहेत, मात्र यावरूनच आता अंधारे यांनी शिंदे फडणवीस सरकारवर पलटवार केला आहे. (Eknath Shinde, Devendra Fadnavis, Uddhav Thackeray)

व्हायरल क्लिप हे भाजपाचे षडयंत्र आहे. खरा वारकरी असा वाद घालणार नाही. असं काही अमंगल करणार नाही. पंधरा वर्षांनंतर ही क्लिप व्हायरल होत आहे. विरोध करणारे हे किर्तनकार नाहीत, ते पेड किर्तनकार आहेत, प्रहसनकार आहेत.

मोहन भागवत यांच्या संप्रदायचे ते किर्तनकार आहेत असा खोचक टोला सुषमा अंधारे यांनी लगावला आहे. तर त्यांनी एकनाथ शिंदे यांचा भाजपकडून कधी गेम होईल हे त्यांना कळणारही नाही, अशी टीका देखील केली.

हेही वाचा-Love Jihad: प्रेमाला धर्म आहे...?

अंधारे पुढं म्हणाल्या की, भूखंड घोटाळ्यावरून एकनाथ शिंदे यांना अडचणीत आणण्याचा प्रयत्न भाजपकडून सुरू आहे. फडणवीस शिंदे गटाचे 40 आमदारांपैकी 20 आमदार फोडून लवकरच मुख्यमंत्री बनतील, असा दावा देखील यावेळी त्यांनी केला.

तसेच मुख्यमंत्री एकनाथ शिंदे यांना सावध राहण्याचा सल्लादेखील त्यांनी दिला. भविष्यात नरेंद्र मोदींना देखील आव्हान देऊन पंतप्रधान पदावर दावा देणारे नाव देवेंद्र फडणवीस असतील, असा दावा देखील अंधारे यांनी केला.