मुंबई : शिंदे गटाला साथ दिलेले आमदार बच्चू कडू आणि भाजपला समर्थन असणारे अपक्ष आमदार रवी राणा यांच्यातील वाद आता शिगेला गेला आहे. पन्नास खोके घेतल्याचा आरोप राणा यांनी केल्यानंतर त्यांनी खोके घेतल्याचे पुरावे दाखल करावेत असा इशारा बच्चू कडू यांनी राणांना दिलाय. तर ठाकरे गटाच्या नेत्या सुषमा अंधारे यांनी बच्चू कडू यांचा प्रेमभंग झालाय अशी बोचरी टीका केलीय.

(Sushma Andhare On Bacchu Kadu)

"शिंदे गटाचे आमदार संजय शिरसाठ यांना मुख्यमंत्री एकनाथ शिंदे यांनी ताटावरून उठवलं आहे, तर बच्चू कडू यांचा प्रेमभंग झाला आहे, सध्याची सरकारमधील त्यांची अवस्था वाईट झालीये. त्यामुळे मुख्यमंत्र्यांचा मी निषेध करते" असं अधारे म्हणाल्या आहेत. तर त्यांनी शिंदे गटावरच निशाणा साधला आहे.

दरम्यान, बच्चू कडू यांनी ठाकरे गटाचे सात ते आठ आमदार आमच्या संपर्कात असल्याचं सांगतिलं होतं. त्याला उत्तर देताना अंधारे म्हणाल्या की, "त्यांच्या संपर्कात किती आमदार आहेत ते त्यांना माहितीये पण त्यांचं शिंदे सरकारमध्ये असं झालंय की, 'मैने तुम्हे दिल दिया दिलदार समझकर, तुमने ठुकरा दिया फुटबॉल समझकर' त्यामुळे त्यांची काहीच किंमत ठेवली नाही. त्यांचा विश्वास घात केला गेलाय, त्यामुळे मला खूप वाईट वाटतंय" असं अंधारे म्हणाल्या.

आमच्याकडे असताना आमदार सुखी होते पण तिकडे गेल्यावर तुम्ही त्यांना काहीच देत नाही, नेत्यांना खात्या ताटावरूव उठवलं जातंय. हे चुकीचं आहे असा टोला त्यांनी संजय शिरसाठांना लावलाय.