महाराष्ट्रातील ठाणे जिल्ह्यातील कल्याणमध्ये एका १५ वर्षीय मुलीवर एका अल्पवयीन मुलासह चार जणांनी सामूहिक बलात्कार केला. पीडितेची काही दिवसांपूर्वीच एका आरोपीशी इंस्टाग्रामवर मैत्री झाली होती.
साहिल राजभर, सुजल गवळी, विजय बेरा अशी आरोपींची नावे असून त्यांना पोलिसांनी ताब्यात घेतले आहे. तर अल्पवयीन आरोपीला बालसुधारगृहात पाठवण्यात आलं आहे. याप्रकरणी कोळसेवाडी पोलिस ठाण्यात फिर्याद दिल्यानंतर हा प्रकार उघडकीस आला. पीडितेच्या कुटुंबीयांनी पोलिसात मुलगी बेपत्ता झाल्याची तक्रार दाखल केली होती.
तक्रारीनुसार, उल्हासनगर इथला साहिल याच्याशी सोशल मीडियावरून पीडितेची मैत्री झाली आणि त्यानंतर दोघे भेटले. पुढे साहिलने तिला मेसेज केला की, आपल्या गर्लफ्रेंडचा पीडित मुलीमुळे काही गैरसमज झाला आहे आणि त्याने पीडितेला आपल्या घरी येऊन प्रकरण मिटवण्यास सांगितलं, अशी माहिती पोलिसांनी दिली आहे.
त्यानंतर पीडित मुलगी साहिलच्या घरी पोहोचली, जिथे तिच्यावर बलात्कार झाला असा आरोप आहे. घाबरून पीडित मुलगी तिच्या मैत्रिणीच्या घरी गेली. साहिलने पीडितेला पुन्हा बोलावलं आणि दुसऱ्या दिवशीही त्याच्या तीन मित्रांसह तिच्यावर बलात्कार केला. मुलगी परत घरी आली आणि तिच्या कुटुंबीयांना सामूहिक बलात्काराची माहिती दिली. या तक्रारीच्या आधारे कोळसेवाडी पोलिसांनी चारही आरोपींना ताब्यात घेतले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.