ठाणेकरांच्या जिव्हाळ्याचा विषय ठरलेल्या मेट्रो प्रकल्पाचे काम गेल्या तीन महिन्यांपासून ठप्प आहे. त्यातच आता वडाळा- घाटकोपर- मुलुंड या मेट्रोचे देखील काम बंद आहे. दोन कंत्राटदारांच्या आडमुठेपणाचा फटका मेट्रो प्रकल्पाला बसला आहे. काही ठिकाणी लावलेल्या बॅरिकेट्समुळे रस्ता अरुंद झाला आहे. यामुळे रहिवाशांना वाहतूक कोंडीचा नाहक त्रास सहन करावा लागत आहे. दरम्यान याप्रकरणी भाजप नेते किरीट सोमय्या (Kirit Somaiya) यांनी ठाकरे सरकारवर (Thackeray Government) ट्विट करत निशाणा साधला आहे.

मुंबई महापालिका (BMC) निवडणुक तोंडावर असतानाच अनेक घटना-घडामोडींना उधान आले आहे. याआधी आयकर विभागाने शिवसेना नेते यशवंत जाधव (Yashwant Jadhav Income Tax Raid) यांच्या घरावर छापेमारी केली होती. पुन्हा आता मेट्रो प्रकल्पाचा मुद्दा समोर आला आहे.

मुंबईत मेट्रोची चौथी लाईन सुरू करण्यासाठी अडचण निर्माण झाली आहे. त्यातच आता कारशेडसाठी जागा आवश्यक असून ती अद्याप न मिळाल्याने काम किचकट झाले आहे. यामुळे काम पुढे ढकलण्यात आले आहे. त्यामुळे नियोजित वेळेत प्रकल्प पूर्ण होण्यास दिरंगाई होत आहे. यावरून किरीट सोमय्या यांनी ठाकरे सरकारवरवर निशाणा साधला आहे. त्यातच आता वडाळा, घाटकोपर, मुलुंड, ठाणे मेट्रोसाठी कारशेड विकसित केलेले नाही. ASTOM कंपनीने महाराष्ट्र सरकारला कळवले आहे की ते वडाळा ठाणे मेट्रोसाठी २३४ कार बनवणार नाहीत. यावरून सोमय्यांनी ठाकरे सरकारवर (Thackeray Government) घणाघात केला आहे.

ट्विट करत सोमय्या म्हणाले, ठाकरे सरकार आरे कार शेड/डेपो चे काम थांबविले. त्यानंतर मुंबई मेट्रो रुळावरून खाली आणली. कुलाबा, मरोळ सिपझ/आरे मेट्रो बंद पडली. आत्ता वडाळा- घाटकोपर-मुलुंड ठाणे मेट्रोचे काम बंद केले. शेवटी ठाकरे सरकार नी जे करायचे ते करून दाखवले अशी टीका केली.

मुख्यमंत्री उद्धव ठाकरे यांनी आरे मधील प्रस्तावित कारशेड प्रकल्प कांजूरमार्ग येथे हलवण्याचा निर्णय़ याआधी घेतला होता. यासाठी पालकमंत्री आदित्य ठाकरे आग्रही होते. आरे मधील मेट्रो कारशेडच्या जागेवरील भुमापनाचे काम तात्काळ थांबवण्याचे आदेश दिले होते. तिथे तयार झालेल्या मेट्रो भवन इमारतीचे काय करणार याची ही चर्चा ठाकरे यांनी केली होती. दरम्यान आज ASTOM कंपनीने मेट्रोसाठी कार बनवण्यास नकार दिला आहे.