पुणे : राज्यात सोमवारी (ता. २६) सकाळपर्यंत गेल्या चोवीस तासात मध्य महाराष्ट्रात काही ठिकाणी मुसळधार, तर तुरळक ठिकाणी जोरदार पाऊस पडला. कोकणात ही मुसळधार पावसाची नोंद झाली होती. दरम्यान, पुढील दिवसांत राज्यात पावसाचा जोर पुन्हा वाढण्याची शक्यता हवामान विभागाने वर्तविला आहे.
बंगालच्या उपसागरात पुढील ४८ तासांत कमी दाबाचे क्षेत्र निर्माण होण्याची शक्यता आहे. त्याचबरोबर उत्तर बंगालच्या उपसागरात चक्राकार वाऱ्यांची स्थिती निर्माण होत आहे. परिणामी पावसासाठी पोषक वातावरणाची स्थिती तयार होईल. त्यामुळे कोकण, मध्य महाराष्ट्रतील तुरळक ठिकाणी मुसळधार, तर विदर्भातील बऱ्याच भागांमध्ये पाऊस पडणार आहे. पुढील चार दिवस रायगड, रत्नागिरी, सिंधुदुर्ग, पुणे, सातारा, कोल्हापूर, विदर्भ येथे जोरदार पावसाच्या सरी पडण्याचा अंदाज आहे.
पुणे शहर परिसरात सोमवारी कमी अधिक स्वरूपात पावसाच्या सरी कायम होत्या. त्याचबरोबर अधूनमधून ऊन पडत आहे. शहरात ५.८, तर लोहगाव येथे ३ मिलिमीटर इतक्या पावसाची नोंद झाली. दरम्यान पुढील दोन दिवस शहरात हलक्या स्वरूपाच्या पावसाची शक्यता असून येत्या ३१ जूलै पर्यंत जिल्ह्यातील घाट माथ्यावर तुरळक ठिकाणी मुसळधार पावसाचा अंदाज वर्तविण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.