सध्या महाराष्ट्रात विरोधक मुख्यमंत्री बदलण्याची मागणी करीत आहे. मुख्यमंत्री मागील अनेक दिवसांपासून आजारी असल्याने सक्रिय नाही. त्यामुळे कार्यवाह मुख्यमंत्री म्हणून दुसऱ्या कुणाला तरी ही जबाबदारी देण्यात यावी, अशी मागणी जोर धरत आहे. यावर राष्ट्रवादीच्या खासदार सुप्रिया सुळे यांनी मुख्यमंत्री बदलण्याच्या मागणीकडे लक्ष देण्याची गरज नाही अशी प्रतिक्रिया दिली. त्या पुण्यातील वारजे येथे एका कार्यक्रमासाठी आल्या असता पत्रकारांशी बोलत होत्या.

कोरोना काळात महाविकास आघाडी सरकारने उत्तम काम केले. त्यांच्या या कामाचे कौतुक परदेशात करण्यात आले. केंद्र सरकारनेही महाराष्ट्र सरकारचे कौतुक केले. विरोधकांना बोलण्याचा अधिकार आहे. त्यांनी बोलत राहावे. त्यामुळे त्यांच्या या मागणीला अधिक महत्त्व देण्याची गरज नाही, असेही खासदार सुप्रिया सुळे म्हणाल्या.