मुंबई - आंतरराष्ट्रीय हिंदू महासभेचे नेते रणजित बच्चन यांच्या हत्येप्रकरणात उत्तर प्रदेश पोलिसांना मोठे धागेदोरे हाती लागले आहेत. याप्रकरणी उत्तर प्रदेश पोलिसांनी काल रात्री मुंबईत येऊन तिघांना पकडले. यात रणजित बच्चन यांच्यावर गोळीबार करणाऱ्या शूटरचाही सहभाग आहे.
रणजित बच्चन हत्याकांडाचे गूढ उकलण्यासाठी विशेष कृती दलाचे पथक मुंबईला आले होते. काल रात्री पोलिसांनी संशयितावर पाळत ठेवली आणि हत्येच्या दिवशीच्या सीसीटीव्ही फुटेजच्या आधारावर तिघांना पकडले. तिन्ही आरोपींना लखनौला नेण्यात येणार आहे. रणजित बच्चन यांच्या काही नातेवाइकांच्या फोन कॉल्सचे विवरण तपासल्यानंतर पोलिस मारेकऱ्यापर्यंत पोचले. २ फेब्रुवारी रोजी लखनौत रणजित बच्चन यांची हत्या केल्यानंतर हे शूटर मुंबईत येऊन लपले. पोलिसांचे आठ पथके चौकशीसाठी रवाना करण्यात आले होते. तसेच संशयिताची माहिती देणाऱ्यास ५० हजारांचे बक्षीसही जाहीर करण्यात आले होते. उत्तर प्रदेश पोलिसांनी गोरखपूर येथून तीन, रायबरेलीतून एका संशयिताला पकडले होते. गोरखपूर येथून ताब्यात घेतलेला संशयित हा रणजित बच्चन यांच्या ओळखीचा होता, असे पोलिसांनी सांगितले. त्यांच्या हत्येचे कारण अद्याप समजू शकले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.