मुंबई : भाजपचे आध्यात्मिक आघाडीचे प्रदेशाध्यक्ष आचार्य तुषार भोसले (Acharya Tushar Bhosale) पुन्हा चर्चेत आले आहेत. यावेळी त्यांनी पश्चिम बंगालच्या मुख्यमंत्री ममता बॅनर्जी (Mamata Banerjee) आणि राज्याचे पर्यटनमंत्री तथा शिवसेना नेते आदित्य ठाकरे (Aaditya Thackeray) व खासदार संजय राऊत (Sanjay Raut) यांच्या भेटीवर आज बुधवारी (ता.एक) हल्लाबोल केला आहे. दोन दिवसांच्या दौऱ्यावर बॅनर्जी महाराष्ट्राच्या दौऱ्यावर आहेत. भोसले आपल्या ट्विटमध्ये म्हणतात, की 'जय श्रीराम' चा नारा ऐकला की डोक्यात तिडीक उठणाऱ्यांपुढे हिंदूहृदयसम्राटांच्या वारसांनी घातलेलं सपशेल लोटांगण. हिंदुंच्या हत्याऱ्यांपुढे मस्तक झुकवणारी झुटी सेना, अशी घणाघात तुषार भोसले यांनी शिवसेनेवर (Shiv Sena) केली आहे.

ममता बॅनर्जी यांच्या महाराष्ट्र दौऱ्यावर भाजप नेते आशिष शेलार असतील किंवा पक्षाचे राष्ट्रीय उपाध्यक्ष दिलीप घोष यांनी टीका केली आहे. घोष म्हणतात, बंगालला लुटून देशात पक्ष विस्तार करण्याचा प्रयत्न सुरु आहे.