नागपूरः नागपूमध्ये सुरु असलेल्या दीक्षाभूमी विकास प्रकल्पाच्या कामाला विरोध करण्यात आलेला होता. अंडरग्राऊंड पार्किंच्या विरोधात जमलेल्या जमावाने बांधकाम साहित्याची तोडफोड आणि जाळपोळ केली होती. आता या प्रकरणी पोलिसांनी दोन गुन्हे दाखल केले आहेत.

दीक्षाभूमी अंडरग्राऊंड पार्किंग प्रकरणात पोलिसांनी दोन गुन्हे दाखल केले असून गैर कायद्याची मंडळी जमवून आंदोलन आणि जाळपोळ केल्याचा पहिला गुन्हा दाखल केला आहे. तर गैरकायद्याची मंडळी जमवून ठार मारण्याचा दुसरा गुन्हा दाखल करण्यात आलेला आहे.

बजाज नगर पोलीस ठाण्यामधये असे दोन गुन्हे दाखल करण्यात आलेले आहेत. तसेच शेकडो आंदोलकांविरुद्ध हे गुन्हे दाखल करण्यात आले आहेत. आरोपी आंदोलकांच्या नावाबाबत पोलिसांनी अतिशय गुप्तता पाळली असून पुन्हा आंदोलनाचा भडका उडू नये यासाठी गुप्तता ही गुप्तता पाळली जात असल्याची माहिती आहे.