भारतीय जनता पक्षाच्या विरोधात देशातील जवळपास १५ पक्ष आणि त्यांचे प्रमुख नेते काल पाटण्यात एकत्र आले होते. या बैठकीला अखिलेश यादव, अरविंद केजरीवाल, शरद पवार, उद्धव ठाकरे, राहुल गांधी, मल्लिकार्जून खर्गे, ममता बॅनर्जी, भगवंत मान प्रफुल्ल पटेल, संजय राऊत, लालूप्रसाद यादव, ओमर अब्दुल्ला, महेबुबा मुफ्ती, हेमंत सोरेन व इतर प्रमुख नेते उपस्थित होते यावर बोलताना उपमुख्यमंत्री देवेंद्र फडणवीस यांनी उद्धव ठाकरे यांच्यासह विरोधी पक्षांवर टीका केली त्यावर बोलताना उद्धव ठाकरे यांनी हल्लाबोल केला आहे. (Latest Marathi News)

काल विरोधी पक्षाच्या नेत्यांच्या बैठकीवर टीका करताना फडणवीस म्हणाले की, हे परिवार बचाव बैठकीला गेले आहेत. त्यावर उत्तर देताना उद्धव ठाकरे म्हणाले की, देवेंद्रजी एवढ्या पातळीवर येऊ नका परिवार तुम्हाला देखील आहे. तुमच्या परिवाराचे व्हॉटसअप चॅट बाहेर आले आहेत, बाहेर येत आहेत. आम्ही अजून त्यावर बोललो नाही. आम्ही जर तुमच्या परिवरावर बोललो तर तुम्हाला शवासन करावं लागेल, वेगळी कोणती आसन तुम्हाला झेपणार नाहीत, फक्त पडून राहावं लागेल असं उद्धव ठाकरे म्हणाले आहेत.(Latest Marathi News)

तर पुढे ठाकरे म्हणाले की, 'आम्ही बोललो तर तुम्हाला झेपणार नाही त्यामुळे तुम्ही आमच्या परिवरावर बोलू नका, मी माझ्या परिवारासाठी मी फार संवेदनशील आहे आणि जमलेला प्रत्येकजण माझा परिवार आहे. सर्व शिवसैनिक माझा परिवार आहे, संपुर्ण महाराष्ट्र माझा परिवार आहे, त्यामुळे माझं कुटुंब माझी जबाबदारी आहे, तुमच्या कुटुंबाची जबाबदारी दूसरा कोणी घेत असेल तर तुमचं तुम्हाला माहिती, पण माझं कुटुंब माझी जबाबदारी आहे मी माझ्या कुटुंब जपणार आहे. हे माझं कुटुंब माझ्या सोबत आहे असंही ते पुढे म्हणालेत.(Latest Marathi News)

त्यामुळे परिवार बचाव वगैरे बोलू नका. अनेकांच्या अनेक गोष्टी आमच्याकडे आहेत असंही ते म्हणाले आहेत. तर देश भाजपच्या हातातून कधीच सुटला आहे. उद्धव ठाकरेंना तुम्ही खलनायक म्हणता पण मी नायक की खलनायक आहे हे जनता ठरवेल परंतु तुम्ही नालायक आहे हे जनतेला माहिती आहे म्हणत उद्धव ठाकरेंनी भाजपवर हल्लाबोल केला आहे.(Latest Marathi News)