Uddhav Thackeray: निवडणूक आयोगानं उद्धव ठाकरे गटाला मोठा धक्का दिला आहे. शिवसेना पक्षाचं नाव आणि धनुष्यबाण चिन्ह एकनाथ शिंदे यांना निवडणूक आयोगानं दिलं आहे.

एकनाथ शिंदे यांनी 40 आमदारांना सोबत घेऊन शिवसेनेत बंड करत बाहेर पडले आणि भाजपसोबत जात नवं सरकार स्थापन केले.

त्यानंतर गेल्या सहा महिन्यांपासून सत्तासंघर्ष आणि पक्ष चिन्ह आणि पक्ष नाव यांचा वाद निवडणुक आयोगात गेला होता अनेक दिवस निकालाच्या प्रतिक्षेनंतर शुक्रवारी अखेर आयोगाने निकाल दिला आहे.

या निकालाने उद्धव ठाकरे यांना तर धक्का दिला मात्र दुसरा धक्का दिला तो ठाकरे गटातील एका खासदाराने, शिंदे गटाच्या बाजूने प्रतिज्ञापत्र दिल्याची धक्कादायक माहिती सूत्रांनी दिली आहे. निवडणूक आयोगातील कागदपत्रांमधून हा धक्कादायक खुलासा झाला आहे.

त्यामुळे उद्धव ठाकरे यांच्या सोबत राहून एकनाथ शिंदे यांना पाठिंबा देणारा १४ वा खासदार कोण आहे. असा प्रश्न आता समोर आला आहे.

ठाकरे गटाकडून निवडणूक आयोगाकडे जवळपास २३ लाख कागदपत्रे देण्यात आली होती. त्यामध्ये आमदार, खासदार,शाखाप्रमुख,विभागप्रमुख,जिल्हाप्रमुख, संपर्कप्रमुख या सगळ्यांनी प्रतिज्ञापत्र दाखल केले होती.