Uddhav Thackeray News : वाय बी चव्हाण सेंटरला आज सहा ऐतिहासिक पुस्तकांच्या प्रकाशन सोहळा आहे. या कार्यक्रमात राष्ट्रवादी काँग्रेसचे अध्यक्ष शरद पवार, उद्धव ठाकरे आणि बाळासाहेब थोरात एकत्र होते. यावेळी उद्धव ठाकरे यांनी संबोधित केले.

उद्धव ठाकरे म्हणाले, दिल्लीला कसं पाणी पाजू शकू हे आपण शिकायला हवं. महाराष्ट्रात ज्याचा जन्म होतो, त्या रक्तात शिवप्रेम भिनलेलं असतं. समाजाला उपयोग होईल, असं पुस्तक प्रकाशन करायला धाडस लागतं.  

किल्यांबाबत बोलताना माझा वेगळा अँगल आहे. मला वाटल की आकाशातून किल्ला बघावा. इतरांना भुगोल आहे पण महाराष्ट्राला इतिहास आहे. भूगोलाचा वापर इतिहासात कसा केला गेला, हे पाहण्याची मला उत्सुकता होती. किल्ल्यांसाठी कशा जागा निवडल्या, त्यांची बांधणी कशी झाली, हे विषय माझ्या मनात आजही जिवंत आहेत. 

राजगडाचे मी फोटो काढले होते. ते झाल्यावर किल्याभोवती उड्डाण केलं तर तटबंदी कशी बांधली असेल, असे अनेक प्रश्न मला पडले, असे उद्धव ठाकरे म्हणाले.

उद्धव ठाकरे म्हणाले, किल्ला बोलायला लागले तर काय होईल, हे वैभव खूप छान आहे. मला नेहमी वाटत या किल्ल्यांना काहीतरी बोलायचं आहे. (latest marathi news)