मुंबई : आज शिवसेना नेते संजय राऊत यांनी ईडीच्या पथकाने छापा टाकला होता. आता या चौकशीला जवळपास आठ तासापेक्षा अधिक काळ झाला आहे. दरम्यान पत्राचाळ घोटाळा प्रकरणी संजय राऊत यांच्यावर अटकेची टागंती तलवार कायम आहे. यादरम्यान दरम्यान, शिवसेना पक्षप्रमुख उद्धव ठाकरे यांनी देखील संजय राऊत यांना अटक होण्याची शक्यता असल्याचे म्हटले आहे.

शिवसेना पक्ष प्रमुख उध्दव ठाकरे म्हणाले की, संजय राऊतांना आज कदाचीत अटक होण्याची शक्यता आहे, आज त्यांनी रोखठोक केलं आहे. हे कारस्थान निर्लज्जपणे चाललं आहे, असा हल्लाबोल उद्धव ठाकरे यांनी केला. पुढे बोलताना ते म्हणाले की, हिंदुत्व हा शब्द बोलायचे जेव्हा कोणाचे धाडस नव्हते तेव्हा देशात शिवसेनाप्रमुख हा एकमेव मर्द होता असे, उद्धव ठाकरे म्हणाले.अमरनाथ यात्रेला जेव्हा धोका निर्माण झाला होता तेव्हा हे सगळे कुठं होते. यांची नामोनिशाणीतरी होती का? असे उद्धव ठाकरे म्हणाले आहेत. आता यांना हिंदुत्वाचा पुळका आलेला आहे.

शिवसेना खासदार संजय राऊत यांच्यावर सध्या अटकेची टांगती तलवार आहे. गेल्या ८ तासांपासून ईडीकडूनपत्राचाळ प्रकरणी ही चौकशी सुरु आहे.दरम्यान ईडीने यापूर्वी संजय राऊत यांना चौकशीला हजर राहण्यासाठी दोन समन्स बजावलं होतं. मात्र, संसदेच्या पावसाळी अधिवेशनाचे कारण देत संजय राऊत हे चौकशीला उपस्थित राहिले नव्हते. दरम्यान, भांडुप येथील त्यांच्या राहत्या मैत्री या घरी सकाळी ईडीचे अधिकारी आले होते. सकाळपासून आत्तापर्यंत त्यांची कसून चौकशी चालू होती. यादरम्यान त्यांच्या घरासमोर मोठ्या प्रमाणावर शिवसैनिक जमले असून जोरदार घोषणाबाजीला सुरूवात केली होती. पण अखेर राऊतांना ईडीकडून ताब्यात घेण्यात आलं आहे.