शिवसेना पक्षप्रमुख उद्धव ठाकरे यांच्या मुलाखतीची सध्या चांगलीच चर्चा आहे. मुलाखतीचा आज दुसरा भाग प्रसारित केला जात आहे. यामध्ये उद्धव ठाकरेंनी बंडखोरांवर सडकून टीका केली आहे. उद्या हे पंतप्रधान पदावरही दावा सांगतील, त्यामुळे भाजपवाल्यांनो सावध राहा, असं उद्धव ठाकरे म्हणाले आहेत.
शिवसेना पक्षप्रमुख उद्धव ठाकरे यांची मुलाखत शिवसेना खासदार आणि दैनिक सामनाचे संपादक संजय राऊत यांनी घेतली आहे. या मुलाखतीचा एक भाग काल प्रसिद्ध झाला होता. तर दुसरा भाग आज उद्धव ठाकरेंच्या वाढदिवसादिवशी प्रसिद्ध झाला आहे. यामध्ये उद्धव ठाकरेंनी बंडखोरांवर सडकून टीका केली आहे.
यावेळी बोलताना उद्धव ठाकरेंनी भाजपाला सावध राहण्याचं आवाहन केलं आहे. ठाकरे म्हणाले, प्रत्येकाच्या पापाचा घडा भरत असतो. उद्या हे महाशय स्वतःला नरेंद्रभाई मोदी समजतील आणि पंतप्रधानपदावर दावा सांगतील. भाजपावाल्यांनो सावधान.
फुटिरांवर टीका करताना उद्धव ठाकरे (Uddhav Thackeray)म्हणाले की, आधी भाजपाबरोबर सत्तेत होतो, तेव्हा भाजपा त्रास देतोय असं म्हणायचे. भाजपा नको असं सांगणारे हेच लोक...गावागावात भाजपा सेनेला काम करू देत नाही, भाजपा शिवसेनेला संपवतेय असा यांचा आक्षेप होता. २०१९ साली भाजपाने खोटेपणाचा कळस केलाय. ठरवलेल्या गोष्टी नाकारतोय म्हणून आपण महाविकास आघाडीला जन्म दिला. तर म्हणे आता काँग्रेस राष्ट्रवादीवाले त्रास देतात. मग नेमकं तुम्हाला हवंय तरी काय? की फक्त कारणं शोधताय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.