हिंगोलीत रविवारी (दि. २७ ऑगस्ट) शिवसेना (उद्धव बाळासाहेब ठाकरे) गटाची सभा पार पडली. या सभेला उद्धव ठाकरेंनीही हजेरी लावली. यावेळी बोलताना ठाकरेंनी विरोधकांवर प्रचंड टीका केली. उद्धव ठाकरेंनी शिंदे-फडणवीस सरकार आणि पंतप्रधान नरेंद्र मोदींवरही टीकास्त्र डागले.

उद्धव ठाकरे विरोधकांवर टीका करताना म्हणाले की, "तुम्हाला नेते आणि वडील दोन्हीही बाहेरचे लागतात . तुमच्या दिल्लीच्या वडिलांमध्ये मत मागायची हिम्मत राहिली नाही याला हिंदुत्व नाही, याला नामर्द म्हणतात"

हिंगोलीतील या सभेत बोलताना उद्धव ठाकरेंनी देवेंद्र फडणवीस यांच्यावरही टीका केली. यावेळी त्यांनी फडणवीसांच्या जपान दौऱ्यावरही भाष्य केले. महाराष्ट्रात प्रचंड दुष्काळ असताना फडणवीस जपानला गेले, असे ते म्हणाले.(Latest Marathi News)