मुंबई : केंद्र सरकारकडून लागू करण्यात आलेल्या नागरिकत्व दुरुस्ती कायद्याविरोधात (सीएए) वंचित बहुजन आघाडीकडून 26 डिसेंबरला आंदोलन करण्यात येणार आहे. याविषयी चर्चा करण्यासाठी मुख्यमंत्री उद्धव ठाकरेंनी भेटीला बोलाविले होते, असे वंचित बहुजन आघाडीचे नेते प्रकाश आंबेडकर यांनी म्हटले आहे.
सीएए विरोधात वंचित बहुजन आघाडी 26 डिसेंबरला धरणे आंदोलन करणार आहे. दादरला हे आंदोलन करण्यात येणार आहे. त्याविषयी प्रकाश आंबेडकर हे मातोश्री या मुख्यमंत्र्यांच्या निवासस्थानी भेटीला आले होते. यावेळी कपिल पाटील यांच्यासह अन्य नेते उपस्थित होते.
प्रकाश आंबेडकर म्हणाले, की मुख्यमंत्र्यांच्या निरोपामुळे भेटायला आलो होतो. 26 डिसेंबरला आम्ही सीएए विरोधात धरणे आंदोलन करणार आहोत. त्याबाबत चर्चा झाली. आम्ही त्यांना शांततेत आंदोलन करणार आहोत असे सांगितले. एनआरसीमुळे मुस्लिमांसह हिंदू नागरिकांनाही फटका बसला आहे. केंद्र सरकार आणि राष्ट्रीय स्वयंसेवक संघाकडून (आरएसएस) अपप्रचार सुरु आहे. शांततेत आंदोलन करा असे आवाहन मुख्यमंत्र्यांनी केले आहे. कोरेगाव भीमाबाबत माझ्याकडे असलेली माहिती मुख्यमंत्र्यांना दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.