Vedanta Foxconn Project : वेदांता प्रकल्प राज्यातून गुजरातमध्ये गेल्यानंतर सत्ताधारी आणि विरोधकांमध्ये जोरदार आरोपप्रत्योरोपांच्या फैरी झाडल्या जात आहे. या प्रकल्पावरून विरोधकांचा चौफेर हल्ला होत असतानाच आता शिंदे गटाचे आमदार संजय शिरसाटांनी वेदांता प्रकल्प कुणामुळे गेला आणि का गेला? याचा लवकरच खुलासा करणार असल्याचा इशारा दिला आहे. त्यामुळे आता शिरसाट नेमका काय खुलासा करणार याकडे सर्वांचे लक्ष लागून राहिले आहे.
या सर्व प्रकाराला आदित्य ठाकरे आणि सुभाष देसाई जबाबदार असून, हा प्रकल्प कुणामुळे गेला त्यांची नावे लवकरच जाहीर करणार असल्याचे शिरसाटांनी म्हटले आहे.
नेतेपद न दिल्याने शिरसाटांमध्ये नाराजी
दरम्यान, नुकतीच शिंदे गटाच्या नेते आणि उपनेतेपदाची याद जाहीर केली आहे. त्यात शिरसाटांचे नाव वगळ्यात आले आहे. त्यामुळे शिरसाट नाराज असल्याची चर्चा आहे. त्यात त्यांना उपनेतेपदावरून डावलण्यात आल्याने शिरसाटांचा पत्ता पक्षातून कट केला जातोय का? अशी चर्चा रंगली होती. मात्र, आपण नाराज नसल्याचे शिरसाटांनी स्पष्ट केले आहे. जर कुणी अशा अफवा पसरवत असेल तर मानहानीचा दावा ठोकणार असल्याचेही शिससाटांनी म्हटले आहे. शिंदेसोबत राहून काही मिळालं नाही तरीदेखील मी शिंदे गटातच राहणार असल्याचे त्यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.