केंद्रीय परिवहन मंत्री नितीन गडकरी यांच्या ताफ्यातील वाहनाचा अपघात झाला आहे. सुदैवानं या अपघातामध्ये कोणतीही मोठी दुर्घटना घडली आहे. गाडीचे मोठ्या प्रमाणावर नुकसान झाले आहे. गडकरी यांच्या ताफ्यातील वाहन ट्रकवर धडकल्याने अपघात झाला. नागपुरमधील छत्रपती चौकात हा अपघात झाला. अपघात झाल्यानंतर बघ्यांची एकच गर्दी झाली होती.

केंद्रीय मंत्री नितीन गडकरी यांनी अपघाताची पाहणी केली. त्यानंतर ते निवासस्थानाकडे रवाना झाले. ही घटना शनिवारी रात्री छत्रपती चौकात घडली. या अपघातात कुणालाही दुखापत झाली नाही. पण असे तेथील पोलिस आधिकाऱ्याने सांगितले.

मिळालेल्या माहितीनुसार, केंद्रीय मंत्र नितीन गडकरी सोनगाव येथील कार्यक्रम संपवून घराकडे परतले होते. त्यावेळीच छत्रपती चौकात सिग्नल लाल झाल्यानंतर ट्रकचालकाने जोरात ब्रेक दाबला. त्यामुळे गडकरींच्या ताफ्यातील पहिल्या क्रमांकावर असलेले एमएच-०१-सीपी-२४३५ या क्रमांकाचे वाहन ट्रकवर आदळले. यामध्ये वाहनाचे नुकसान झालं आहे. समोरील भाग चक्काचूर झाला. सुदैवाने या अपघातात कुणालाही दुखापत झाली नाही.