पुणे - वाहन करामध्ये सवलत मिळाल्यामुळे मालवाहतूकदार आणि प्रवासी वाहतूक करणाऱ्या व्यावसायिकांचे जीवन आता काही प्रमाणात तरी सुसह्य होईल, अशी प्रतिक्रिया शहरातील मालवाहतूकदारांनी व्यक्त केली.
- पुण्याच्या बातम्या वाचण्यासाठी येथे ► क्लिक करा
कोरोना लॉकडाउनच्या काळात एक एप्रिल ते ३० सप्टेंबर दरम्यान वाहन करात सवलत देण्याचा निर्णय राज्याच्या मंत्रिमंडळाने मंगळवारी घेतला. त्याचा फायदा राज्यातील सुमारे १२ लाख व्यावसायिक वापराच्या वाहनमालकांना होणार आहे.
या व्यावसायिकांना दर तीन महिन्यांनी वाहन कर भरावा लागत होता. आता त्यांना एप्रिल, मे, जून, जुलै, ऑगस्ट आणि सप्टेंबरच्या वाहनकरात सवलत मिळाली आहे. याबाबत बस अँड कार कॉन्फेडरेशन ऑफ इंडियाचे (बोकी) राष्ट्रीय अध्यक्ष प्रसन्न पटवर्धन म्हणाले, ‘‘लॉकडाउनच्या काळातील वाहन कर माफ करावा, या मागणीसाठी अनेक महिन्यांपासून आम्ही राज्य सरकारकडे पाठपुरावा करीत होतो. हा कर ३१ डिसेंबरपर्यंत माफ व्हावा, अशी अपेक्षा होती. परंतु, सरकारने सहा महिन्यांचा माफ केला आहे. यामुळे दिलासा मिळाला आहे.’’
पुणे डिस्ट्रिक्ट लक्झरी बस असोसिएशनचे अध्यक्ष बाळासाहेब खेडेकर म्हणाले, ‘‘सरकारने काही तरी आमचा विचार केला, ही समाधानाची बाब आहे. थोड्या प्रमाणात तरी आमचे जीवन आता सुसह्य होईल.’’ राज्य प्रवासी व माल वाहतूक संघटनेचे अध्यक्ष बाबा शिंदे यांनीही, करात सवलत मिळाल्यामुळे राज्य सरकारचे आभार मानले आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.