नागपूर : मागील काही दिवसांपासून कोरोना (coronavurus) चांगलाच पसरत चालला आहे. यामुळे नागरिकांच्या मनात भीती निर्माण झाली आहे. यामुळेच कोरोनाचे नियम अधिकच कडक करण्यात आले आहेत. मात्र, आता कोरोना मुंबईच्या (mumbai) बाहेर पडताना दिसत आहे. मात्र, ग्रामीण भागात कोरोनाचे रुग्ण वाढत आहे. यामुळे महाराष्ट्रातील (Maharashtra) परिस्थिती नियंत्रणात येईपर्यंत निर्बंध कायम राहतील, असे काँग्रेसचे पुनर्वसन मंत्री विजय वडेट्टीवार (Vijay Vadettiwar) म्हणाले.

महाराष्‍ट्रात कोरोनाने पुन्हा पीक घेतला आहे. ग्रामीण भागातही मोठ्या प्रमाणावर रुग्ण आढळून येत आहेत. त्यामुळे ग्रामीण भागातील नागरिकांनी अधिक काळजी घेण्याची गरज निर्माण झाली आहे. कोरोनासाठी (coronavurus) लादलेले निर्बंध १५ फेब्रुवारीपर्यंत कायम राहणार आहेत. मुंबईतील लोकलबाबत अद्याप कोणताही निर्णय झालेला नाही. तसेच शाळा सुरू करण्याबाबतही कुठलाही निर्णय झालेला नाही. यावर मुख्यमंत्री उद्धव ठाकरे निर्णय घेतील, असे विजय वडेट्टीवार (Vijay Vadettiwar) म्हणाले.

नालायक हा शब्द मुद्दामहून वापरतोय

महाज्योतीतून विद्यार्थ्यांचे पैसे शेतकऱ्यांना दिल्याचा आरोप करणारे कोण नालायक आहेत? नालायक हा शब्द मुद्दामहून वापरतोय. अर्धवट माहितीच्या आधारे मूर्खासारखे आरोप करतात, असे विजय वडेट्टीवार (Vijay Vadettiwar) म्हणाले.

अहवाल सादर करण्याचे निर्देश

करडईचे बियाणे शेतकऱ्यांना दिले आहे. त्यावर प्रक्रिया करून क्लस्टर तयार करणार आहे. यातून शेतकऱ्यांच्या मुलांना रोजगार देण्याचा प्रयत्न आहे. पीक नुकसानीचे पंचनामे करून अहवाल सादर करण्याचे निर्देश दिले आहे, असेही विजय वडेट्टीवार (Vijay Vadettiwar) म्हणाले.