मुंबई : राज्यात ओबीसी आरक्षण आणि अम्पेरिकल डेटावरून (Empirical Data) भाजप आणि महाविकास आघाडीतील नेत्यांमध्ये चांगलीच रस्सीखेच सुरू आहे. या मुद्द्यावरून गेल्या अनेक महिन्यांपासून भाजपकडून राज्य सरकारवर हल्लाबोलदेखील करण्यात आला आहे. दरम्यान, या सर्व घडामोडींमध्ये मंत्री विजय वडेट्टीवार यांनी महत्त्वाचे विधान केलं आहे. ते म्हणाले की, येत्या 10 दिवसात इम्पेरिकल डेटा संदर्भात स्पष्टता येईल असे त्यांनी म्हटले आहे. (vijay Wadettiwar On Empirical Data )

दरम्यान, सरकार आडनावाच्या आधारे ओबीसींचा डेटा गोळा करत असल्याचा आरोप ओबीसी समाजाचे अभ्यासक हरिभाऊ राठोड यांनी केले आहे. तसेच राज्य सरकारकडून ओबीसींची फसवणूक सुरू असल्याचेही राठोड यांनी म्हटले आहे. डेटा गोळा करण्यामध्ये आमचं बारी लक्ष असल्याचे सांगत वडेट्टीवर म्हणाले की, देवेंद्र फडणवीस बोलले त्यातले काही मुद्दे खरे आहेत.

डेटा गोळा करताना ग्रामपंचायतींशी संपर्क साधण्याचे निर्देश देण्यात आले आहेत. त्यानुसार ग्रामपंचायती स्थानिक आडनावं जातीनिहाय तपासून डेटा देतील. याशिवाय नेमलेल्या कमिशनला योग्य सूचना देण्यात आल्याचेही यावेळी वडेट्टीवर यांनी यावेळी सांगितले. आडनावावरून नोंद करताना ग्रामपंचायतीसोबत माहिती पडताळण्याचे आदेश देण्यात आले आहे. ओबीसींचं कोणतही नुकसान आम्ही होऊ देणार नाही असेही वडट्टेवार यांनी यावेळी स्पष्ट केले.