मुंबई : पुणे लोकसभा मतदारसंघातून निवडून आलेले खासदार गिरीष बापट यांनी राज्यातील आपल्या मंत्रीपदाचा राजीनामा दिला. 4 जूनला त्यांचा राजीनामा स्वीकृत करण्यात आला आणि त्यांना नेमून दिलेले विभाग शिक्षणमंत्री विनोद तावडे आणि रोजगार हमी आणि पर्यटन मंत्री जयकुमार रावल यांना विभागून देण्यात आले आहेत.

विनोद तावडे यांना संसदीय कार्य, तर जयकुमार रावल यांना अन्न व नागरी पुरवठा, ग्राहक संरक्षण, अन्न व औषध प्रशासन विभाग देण्यात आला आहे. शासनाचे मुख्य सचिव अजोय मेहता यांनी आज ही अधिसुचना काढली.