चांदवड : चांदवड-देवळा विधासभा निवडणूकीच्या पार्श्वभूमीवर जिल्हाधिकारी सूरज मांढरे यांनी मंगळवारी (ता.१५) येथील श्री नेमिनाथ जैन प्राथमिक शाळेस भेट देऊन विद्यार्थी व पालकांना मतदानाविषयी जनजागृतीचे आवाहन केले. यावेळी प्राथमिक शाळेच्या पटांगणावर सुमारे ५०० विद्यार्थ्यांनी मानवी साखळीने "ईसीआय (इलेक्शन कमिशन ऑफ इंडिया) मतदान करा ११८ चांदवड विधानसभा' अशी अक्षरे तयार करुन मतदानाचे कर्तव्य पार पाडण्याचा संदेश दिला.

यावेळी प्रांताधिकारी सिद्धार्थ भंडारे, तहसीलदार प्रदिप पाटील, चांदवडचे गटशिक्षणाधिकारी श्रीधर देवरे, नेमिनाथ संस्थेचे प्रशासकीय अधिकारी पी. पी. गाळणकर, मुख्याध्यापिका जयश्री गोळेचा, केंद्रप्रमुख डी. के. शिंदे, महाले, विषयतज्ज्ञ हिरामण जाधव, कलाशिक्षक के. व्ही. आहिरे आदींसह शिक्षक, पालक व विद्यार्थी उपस्थित होते.

जिल्हाधिकारी सूरज मांढरे यांच्या उपस्थितीत विद्यार्थ्यांनी मानवी साखळी करुन मतदान करण्याचा दिलेल्या संदेशाचे ड्रोनच्या सहाय्याने टिपलेले छायाचित्र(छायाचित्र: स्वप्नील शेलार)