मुंबई : भाजपचे राष्ट्रीय अमित शहा, मुख्यमंत्री देवेंद्र फडणवीस आणि आमचे युतीबाबत ठरले आहे. इतर कोणीही यामध्ये तोंड घालू नये, असे शिवसेनेचे पक्षप्रमुख उद्धव ठाकरे यांनी सांगितले. तसेच आता शेतकऱ्यांचे प्रश्न महत्वाचे आहेत, असेही ते म्हणाले.

गिरीश महाजन यांनी पुढचा मुख्यमंत्री भाजपचाच होईल, असे वक्तव्य केले होते. त्यांच्या या वक्तव्यावरून पत्रकारांनी उद्धव ठाकरे यांना विचारले असता त्यांनी ही प्रतिक्रिया दिली. ते म्हणाले, मुख्यमंत्री कोण होणार या विषयापेक्षा ज्या गोरगरीब शेतकऱ्यांनी आपल्याला निवडून दिले त्यांचे प्रश्न सोडवणे हे अधिक महत्वाचे आहे. 

सर्वसामान्यांसाठी शिवसेना सत्तेत

शेतकऱ्यांनी आपली सर्व दुःख बाजूला ठेऊन आपल्याला लोकसभेत निवडून दिले. त्यामुळे आता त्यांची दुःख दूर करणे हे आपले कर्तव्य असून, ते पूर्ण करण्यासाठी प्रयत्न करणार आहोत. तसेच सर्वसामान्य जनतेचे प्रतिनिधित्त्व करण्यासाठी शिवसेना सत्तेत आहे, असेही ते म्हणाले.