Latest Marathi News Live Update : अशोक खरात आणि सनदी अधिकाऱ्यांच्या एकत्रित जागेची आयकर विभागामार्फत चौकशी सुरू

भोंदूबाबा अशोक खरात आणि सनदी अधिकाऱ्यांच्या एकत्रित जागेची आयकर विभागामार्फत चौकशी सुरू आहे. नाशिकच्या पाथर्डी शिवारात 40 गुंठे जागेत सनदी अधिकारी अभिजीत भोंडे पाटील यांची पत्नी आणि भोंदूबाबा अशोक खरात याची मुलगी यांचा एकत्रित सातबारा समोर आला आहे..बंगळूर : राज्यातील पोटनिवडणुकांच्या पार्श्वभूमीवर काँग्रेसवर होत असलेल्या घराणेशाहीच्या आरोपांना मुख्यमंत्री सिद्धरामय्या यांनी ठामपणे उत्तर दिले आहे. ‘आम्ही घराणेशाहीला प्रोत्साहन देत नाही, तर असलेल्या उमेदवारांनाच उमेदवारी दिली आहे’, असे त्यांनी स्पष्ट केले..राष्ट्रवादी शरदचंद्र पवार पक्षाचे अध्यक्ष शरद पवार आज एक दिवसाच्या नागपूर दौऱ्यावर आहेत. माजी खासदार आणि ज्येष्ठ नेते दिवंगत दत्ता मेघे यांच्या कुटुंबीयांचे सांत्वन करण्यासाठी ते नागपुरात पोहोचतील. शरद पवार दुपारी 3:30 च्या सुमारास विशेष विमानाने मुंबईहून नागपूर विमानतळावर पोहोचणार आहेत. तेथून ते थेट खामला परिसरातील मेघे यांच्या निवासस्थानी जाऊन त्यांच्या कुटुंबीयांची भेट घेतील..नाशिकमधील भोंदूबाबा अशोक खरातची कोठडी आज संपणार आहे..बंगळूर : बंगळूर-म्हैसूर महामार्गावर चन्नपट्टण तालुक्यातील पुट्टप्पनदोड्डीजवळ सोमवारी सकाळी भीषण अपघात झाला. वेगाने येणारी बस रस्त्यावरील दुभाजकाला धडकून झालेल्या भीषण अपघातात चार प्रवाशांचा जागीच मृत्यू झाला, तर अनेक जण जखमी झाले आहेत.मृतांमध्ये केरळमधील मोहम्मद परान (वय २२), रफीज (वय ४५) तसेच बंगळुरातील रहिवासी रशीद (वय ४५) आणि साकीर (वय २७) यांचा समावेश आहे. जखमींना तत्काळ जवळच्या रुग्णालयात दाखल केले आहे. अपघातग्रस्त बस केरळमधील पीके ट्रॅव्हल्सची असून, ती बंगळूरकडे येत होती. चालक झोपेत असल्याने बसने नियंत्रण गमावून दुभाजकाला जोरात धडक दिल्याची प्राथमिक माहिती समोर आली. अपघाताची माहिती मिळताच पोलिसांनी तत्काळ घटनास्थळी धाव घेतली. बस हटवून वाहतूक सुरळीत केली आहे. या दुर्घटनेत अलीस नावाची व्यक्ती गंभीर जखमी झाल्याची माहिती आहे. चन्नपट्टण वाहतूक पोलिसांनी या प्रकरणी गुन्हा नोंदवला आहे..पंढरपूर : मराठी नवीन वर्षातील 1 एप्रिल ते 31 जुलै पर्यंतच्या विठ्ठल रुक्मिणी मातेची नित्यपूजा, पाद्यपूजा व तुळशी अर्चना या सर्व पूजांची ऑनलाईन नोंदणी येत्या बुधवारी (ता.25) सकाळी 11 वाजल्यापासून सुरु करण्यात येणार (Online Puja Booking Opens for Pandharpur Vitthal Temple) आहे. दरम्यान, पूजा देगणीमूल्यात कोणताही बदल करण्यात आलेला नाही, अशी माहिती विठ्ठल मंदिर समितीचे सहअध्यक्ष गहिनीनाथ महाराज औसेकर यांनी आज दिली..हुपरीतील एस. एम. बॉईज गॅंगचा प्रमुख सागर शरद माळीसह दहा जणांना वर्षभरासाठी जिल्ह्यातून हद्दपार करण्यात आले आहे. पोलिस अधीक्षक योगेशकुमार गुप्ता यांनी ही कारवाई केली..Latest Marathi Live Updates 24 march 2026 : पश्चिम आशियातील युद्धाच्या झळा संपूर्ण जगाला बसू लागल्यानंतर अमेरिकेचे अध्यक्ष डोनाल्ड ट्रम्प यांनी एक पाऊल मागे येण्याचा निर्णय घेतला आहे. होर्मुझची सामुद्रधुनी खुली करण्यासाठी ट्रम्प यांनी इराणला दिलेल्या मुदतीत पाच दिवसांची वाढ करतानाच या कालावधीत इराणमधील ऊर्जा प्रकल्पांवर आणि अणू केंद्रांवर कोणतेही हल्ले न करण्याचा निर्णय जाहीर केला. त्यांनी स्वत:च्या मालकीच्या ‘ट्रूथ सोशल’ या समाजमाध्यमाद्वारे ही घोषणा केली. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर....गर्भलिंग निदानप्रकरणी डॉक्टर, एजंट ताब्यात, कोल्हापुरात कारवाईबिद्री (ता. कागल) येथे मुख्य रस्त्यावरील श्रद्धा हॉस्पिटलमध्ये गर्भलिंग निदान करताना पोलिसांनी छापा टाकून डॉक्टरसह एका एजंटाला आज सायंकाळी ताब्यात घेतले. डॉ. युवराज विठ्ठल पाटील (वय ४५, रा. सोनाळी, ता. कागल) आणि एजंट संभाजी वसंत शिंदे (४०, रा. बोरीवडे, ता. कागल) अशी त्यांची नावे आहेत. त्यांच्याकडील पोर्टेबल सोनोग्राफी मशीन, गर्भपातासाठीच्या गोळ्या, तसेच रोकड जप्त केली आहे. स्थानिक गुन्हे अन्वेषण आणि इस्पूर्ली पोलिस ठाण्याच्या पथकाने कारवाई केली. मुरगूड पोलिस ठाण्यात रात्री उशिरापर्यंत गुन्हा नोंद करण्याचे काम सुरू होते..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Latest Marathi News Live Update : अशोक खरात आणि सनदी अधिकाऱ्यांच्या एकत्रित जागेची आयकर विभागामार्फत चौकशी सुरू

Nashik News : अशोक खरात आणि सनदी अधिकाऱ्यांच्या एकत्रित जागेची आयकर विभागामार्फत चौकशी सुरू

Related Stories