देशासह अनेक राज्यामध्ये जोरदार पावसाने हजेरी लावली आहे. उत्तर दक्षिण भारतात सध्या मुसळधार पाऊस सुरु आहे. मुसळधार पावसामुळे काही भागातील जनजीवन विस्कळीत झाले आहे. दरम्यान, हवामान विभागाने दिलेल्या माहितीनुसार पुढील तीन ते चार दिवस देशातील अनेक राज्यांमध्ये मुसळधार पावासाचा इशारा देण्यात आला आहे.(Latest Marathi News)

तर हवामान विभागाच्या माहितीनुसार, गोवा आणि महाराष्ट्र राज्यात आज जोरदार पावसाची शक्यता आहे. गुजरातमध्ये 7 जुलै रोजी मुसळधार पावसाची शक्यता वर्तवण्यात आली आहे. याशिवाय इतर ठिकाणी मुसळधार ते अतिवृष्टीची शक्यता आहे.

तर काही राज्यांमध्ये आज मुसळधार पावसाची शक्यता वर्तवण्यात आली आहे. आसाम, मेघालय, आंध्र प्रदेश, तेलंगणा आणि कर्नाटकात मुसळधार पावसाचा अंदाज हवामान विभागाने वर्तवला आहे. तर पूर्व उत्तर प्रदेश, उप-हिमालयीन पश्चिम बंगाल तसेच सिक्कीम, तामिळनाडू, पुडुचेरीत आज मुसळधार पावसाची शक्यता वर्तवण्यात आली आहे.(Latest Marathi News)

तर भारतीय हवामान विभागाने महाराष्ट्रासाठी पुढील 3-4 दिवस मुसळधार पावसाचा इशारा दिला आहे. पुढील 3,4 दिवस कोकण आणि मध्य महाराष्ट्राच्या काही भागात मुसळधार ते अतिवृष्टीची शक्यता आहे. तर आज राज्यातील दोन जिल्ह्यांमध्ये रेड अलर्ट जारी करण्यात आला आहे.

रायगड आणि रत्नागिरीमध्ये आज अतिमुसळधार पावसाची शक्यता आहे. तर मुंबई, पुणे आणि ठाण्यासह दहा जिल्ह्यांमध्ये आज मुसळधार पावसाची शक्यता आहे. राज्यातील 10 जिल्ह्यांमध्ये आजसाठी ऑरेंज अलर्ट जारी करण्यात आला आहे.

उत्तर महाराष्ट्र आणि विदर्भातील बहुतेक जिल्ह्यांमध्येही आज जोरदार पावसाची शक्यता वर्तवण्यात आली आहे. विदर्भात बहुतेक जिल्ह्यांमध्ये यलो अलर्ट जारी करण्यात आला आहे. पुढील 3,4 दिवस कोकण आणि मध्य महाराष्ट्राच्या काही भागात मुसळधार ते अतिवृष्टीची शक्यता आहे. (Latest Marathi News)