राज्यासह देशभरात पावसाने जोरदार हजेरी लावली आहे. पुणे, मुंबईसह राज्यातील काही भागात पावसाने हजेरी लावली आहे. तर राज्यातील काही भागात अद्यापही पावसाने दडी मारली आहे. पावसाळा सुरु होऊन एक महिना उलटला तरी पाऊस नसल्यामुळे बळीराजा चिंतेत आहे. (Latest Marathi News)

दरम्यान, पुणे मुंबईसह उपनगर, ठाणे, तसेच कोकणातील अनेक जिल्ह्यामध्ये पावसाने जोरदार हजेरी लावली आहे. हवामान विभागाकडून वर्तवलेल्या अंदाजानुसार आज कोकणात यलो अलर्ट देण्यात आला आहे. तसेच पश्चिम पुणे जिल्ह्यांनाही यलो अलर्ट देण्यात आला आहे. परिसरातील नारिकांना खबरदारीचे आवाहन हवामान विभागाकडून करण्यात आले आहे.(Latest Marathi News)

पुणे, मुंबई, ठाणे, नवी मुंबई या ठिकाणी रिपरिप पाऊस सुरू आहे, तर उपनगरांमध्ये धो-धो पाऊस पडत आहे. त्याचा परिणाम वाहतुकीवर झाला आहे. तर दुसरीकडे सखल भागांमध्ये पाणी साचायला सुरुवात झाली आहे. 3, 4 आणि 5 जुलै रोजी रायगड, रत्नागिरी, सिंधुदुर्ग, कोल्हापूर, सातारा, पुणे या जिल्ह्यांमध्ये अतिमुसळधार पावसाचा इशारा हवामान विभागाकडुन देण्यात आला आहे.(Latest Marathi News)

विदर्भ आणि मराठवाड्यात 5 जुलै रोजी मध्यम स्वरुपाच्या पावसाचा अंदाज व्यक्त करण्यात आला आहे. या जिल्ह्यांना हवामान विभागाने यलो अलर्ट दिला आहे. 3, 4 आणि 5 जुलै रोजी मुंबई, ठाणे, नवी मुंबई आणि उपनगरात मात्र यलो अलर्ट देण्यात आला आहे.(Latest Marathi News)