सोलापूर : केंद्रिय गृहमंत्री अमित शहा यांच्या उपस्थितीत आज (ता.01) काँग्रेस आणि राष्ट्रवादीच्या अनेक दिग्गज नेत्यांचा भारतीय जनता पक्षात प्रवेश होणार असल्याचे बोलले जात होते. मात्र आज केवळ तीनच नेत्यांचा भाजपमध्ये प्रवेश होणार असल्याचे बोलले जात आहे.
आज (ता.01) भाजपमध्ये प्रवेश होणार करणाऱ्या नेत्यांमध्ये कोल्हापूरचे माजी खासदार धनंजय महाडीक, राष्ट्रवादीचे विद्यमान आमदार राणा जगजितसिंह पाटील आणि काँग्रेस आमदार जयकुमार गोरे यांचा समावेश आहे.
सोलापूर जिल्ह्यातील इच्छुक नेत्यांचे काय?
विविध जिल्ह्यांतील हे तीन नेते सोलापूरमधील कार्यक्रमात भाजपमध्ये प्रवेश करणार असले तरीही खुद्द सोलापूरमधील नेत्यांचा भाजप प्रवेश मात्र लांबणीवर पडण्याची चिन्हे आहेत. माढ्याचे राष्ट्रवादीचे आमदार बबनदादा शिंदे यांनी काही दिवसांपूर्वी मुख्यमंत्री देवेंद्र फडणवीस यांची भेट घेतली होती. त्यामुळे त्यांच्या भाजप प्रवेशाची चर्चा रंगत आहे. तसेच काँग्रेसचेही सोलापूरमधील काही आमदार भाजपच्या संपर्कात आहेत. मात्र अजून राजकीय वाटाघाटी पूर्ण झाल्या नसल्याने या नेत्यांचा भाजप प्रवेश लांबणीवर पडला आहे. आता आज प्रवेश लांबणीवर गेल्याने त्यांचे पुढे काय होणार या चर्चांनाही सोशल मीडियावर उधाण आहे.
उर्विरित नेत्यांना प्रवेश कधी?
उर्वरित इच्छुक नेत्यांमध्ये साताऱ्याचे खासदार उदयनराजे भोसले, विधानपरिषदेचे सभापती रामराजे नाईक निंबाळकर, माजी मंत्री सिद्धराम म्हेत्रे, माजी मुख्यमंत्री नारायण राणे, सत्यजित देशमुख यांचा भाजप प्रवेश कधी होणार हे मात्र अनुत्तरितच आहे असे म्हणावे लागेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.