Chandrakant Patil on Sanjay Raut  e sakal
महाराष्ट्र बातम्या

विश्वप्रवक्त्यांना 'हा' अधिकार कोणी दिला?; चंद्रकांत पाटलांचा टोला

शिवसेनेसह प्रवक्ते संजय राऊत यांच्यावरही चंद्रकांत पाटील यांनी टीका केली आहे.

सकाळ डिजिटल टीम

मुंबई : राज्यसभा निवडणुकीच्या सहाव्या जागेवरुन राज्यात सुरु असलेला खल आता संपला आहे. शिवसेनेनं आपला उमेदवार निश्चित केल्यानंतर संभाजीराजे छत्रपती यांनी या निवडणुकीतून माघार घेतली आहे. पण याचे राजकीय पडसाद अद्याप उमटतच आहेत. यावरुन शिवसेनेवर टीका करणाऱ्या चंद्रकांत पाटलांना उत्तर देताना संजय राऊत यांनी पाटलांनी चोंबडेपणा करु नये असं म्हटलं आहे. यावर आता चंद्रकांत पाटलांनी प्रतिक्रिया दिली आहे. (Who gave world spokespersons the right to interfere everywhere says Chandrakant Patil)

चंद्रकांत पाटील यांनी ट्विट करत शिवसेनेसह संजय राऊत यांच्यावर टीका केली. ते म्हणाले, "मी शिवाजी महाराजांचा वंशज नाही, हे सामान्यज्ञान आहे. पण हिंदुत्वविरोध्यांसोबत चाललेल्यांना शिवरायांची मक्तेदारी कुणी दिली? तुम्ही शब्दांचे पक्के आणि बाकीचे सगळेच खोटारडे, यावर शेंबडं पोर तरी विश्वास ठेवेल? आणि हो... सगळीकडे ढवळाढवळ करण्याचा अधिकार विश्वप्रवक्त्यांना कुणी दिला?" अशा शब्दांत चंद्रकात पाटील यांनी शिवसेनेच्या भूमिकेवर टीका केली तर संजय राऊत यांनाही फटकारलं.

राज्यसभा निवडणुकीतून माझार घेत असल्याचं जाहीर करताना संभाजीराजे छत्रपती यांनी मुख्यमंत्री उद्धव ठाकरे यांच्यावर आरोप करताना त्यांनी शब्द फिरवल्याचा गंभीर आरोप केला होता. त्यानंतर चंद्रकांत पाटील यांनी शिवसेना आणि मुख्यमंत्री उद्धव ठाकरे यांच्यावर टिका करताना "मुख्यमंत्र्यांना शिवरायांच्या पुतळ्यासमोर उभं करून खरंखोटं करावं" असं म्हटलं होतं. यावर शिवसेना नेते संजय राऊत यांना पत्रकारांनी विचारले असता, त्यांनी चंद्रकांत पाटील यांच्यावर तिखट शब्दात टीका केली होती.

"प्रत्येक राजघराण्याचे काही राजकीय लागेबांधे आहेत, हे संबंधच घेऊन पुढं जावं लागतं. इथे व्यक्तिगत काहीच नसतं. चंद्रकांत दादा कोण? ते वंशज आहेत का शिवाजी महाराजांचे? ते कोण ठरवणारे? त्यांनी 2019 साली शब्द कोणी मोडला ते आधी सांगाव. शब्द मोडण्याची परंपरा कोणाची आहे, हे 2019 ला सर्वांनी पाहिलंय. हा विषय छत्रपती संभाजी आणि शिवसेनेतील आहे, इतरांनी मध्ये चोंबडेपणा करू नये, आमचं आम्ही बघून घेऊ" असा टोला संजय राऊत यांनी चंद्रकांत पाटील यांना लगावला होता.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Congress Organizational Reshuffle : काँग्रेसमध्ये संघटनात्मक मोठे फेरबदल; महाराष्ट्रातील चार नेत्यांना संधी; ८१ सचिवांच्या नियुक्त्या जाहीर

IND vs NZ 1st Test Day 2 Live: अम्पायरचा डोळा लागला अन् लोकेश राहुल वाचला; न्यूझीलंडच्या ताफ्यात गोंधळाचे वातावरण, दुसऱ्या सत्रात नाट्यमय घडामोड

Cyclone Aquan Latest Update : बंगालच्या उपसागरात ‘अक्वान’ चक्रीवादळ तीव्र; महाराष्ट्राला धोका आहे का? जाणून घ्या हवामानाचा अंदाज

Pune News: पुण्यात रोज अतिक्रमणांवर हातोडा! ;पुढील दोन महिने कारवाई करण्याचा महापालिका आयुक्तांचा इशारा

Gokul Milk Price Hike : 'गोकुळ', 'वारणा' दूध विक्री दरात सहा रुपये वाढ; उद्यापासून अंमलबजावणी, म्हशीसाठी तीन, गायीसाठी दोन रुपये उत्पादकांना जादा मिळणार

SCROLL FOR NEXT