Rashtravadi Congress News : राष्ट्रवादी काँग्रेसचे नेते अजित पवार यांनी विधानसभेच्या विरोधी पक्षनेतेपदाचा राजीनामा देत सत्तेत सहभागी झाले आहेत. अजित पवारांच्या निर्णयामुळे राष्ट्रवादी काँग्रेसमध्ये उभी फूट पडली आहे. या राजकीय घडामोडींनंतर आता विधिमंडळाचे पावसाळी अधिवेशन आजपासून सुरू झाले आहे.

मात्र राष्ट्रवादीचे ९ आमदार सत्तेत सहभागी झाल्यामुळे विरोधकांची बाजू थोडी कमकूवत झाल्याचे पाहायला मिळत आहे.(Latest Marathi News)

आज पावसाळी अधिवेशन आहे मात्र विरोधकांकडून अद्यापही विरोधी पक्षनेता कोण असेल याबद्दल स्पष्टता नाहीये. यापूर्वी हे पद राष्ट्रवादी काँग्रेसकडे होते, मात्र पक्षातील फूटीनंतर सभागृहातील सदस्यसंख्येनुसार काँग्रेसने विरोधी पक्षनेतेपदावर दावा सांगितलं आहे. यादरम्यान या पदासाठी काही संभाव्य नेत्यांची नावे समोर आली आहेत. तर आता काँग्रेसची बैठक सुरू आहे.(Latest Marathi News)

तर विरोधी पक्ष नेत्यावर बोलताना राष्ट्रवादीचे आमदार रोहित पवार यांनी प्रतिक्रिया दिली आहे. याबाबत बोलताना रोहित पवार म्हणाले की, काँग्रेसचे संख्याबळ जास्त आहे. काँग्रेसला मी विनंती करेन की वय कमी वय कमी म्हणून हिणवले जातं. त्यामुळे काँग्रेसने युवाला संधी द्यावी असं रोहित पवार यांनी म्हंटलं आहे.(Latest Marathi News)

विधानसभा विरोधी पक्ष नेतेपदासाठी विजय वडेट्टीवार, यशोमती ठाकूर आणि सुनील केदार यांची नाव चर्चेत आहेत. या संबंधीत दिल्लीत पक्षाच्या हायकमांडने राज्यातील नेत्यांच्या चर्चा सुरू आहेत. यानंतर काँग्रेसमधील दुसऱ्या फळीतील नेत्याला संधी मिळण्याची शक्यता आहे. या पदासाठी नाना पटोले, बाळासाहेब थोरात, अशोक चव्हाण, पृथ्वीराज चव्हाण यांची नाव चर्चेत होती. पण ही नावे मागे पडून दुसऱ्या फळीतील नेत्याला संधी मिळण्याची शक्यता वर्तवली जात आहे. आता विरोधी पक्षनेते पदाची माळ कोणाच्या गळयात पडणार हे पाहणंही महत्वाचं ठरणार आहे.(Latest Marathi News)