Crime News: लोणार तालुक्यातील पळसखेड येथील शिवारात २९ ऑक्टोबर रोजी राजाराम गजानन जायभाये या युवकाचा मृतदेह आढळून आला होता. सदर युवकाची हत्या अनैतिक संबंधातून झाली असल्याचे पोलिस तपासात उघड झाले आहे. तर या प्रकरणी पोलिसांनी मृतकाचा मित्र आरोपी संतोष मदन थोरावे (वय ३४) याला ताब्यात घेतले आहे.

सविस्तर वृत्त असे की, मृतकाचे वडील गजानन आनंदराव जायभाये यांनी पोलिसात तक्रार दिली की, लोणार तालुक्यातील पळसखेड आरोपी संतोष थोरावे यांचे व राजाराम जायभाये यांचे मित्रत्वाचे सबंध होते.यातूनच आरोपी मृतकाची पत्नी यांच्यात अनैतिक सबंध जुळले. पण राजाराम अडसर येत असल्याने त्याचा काटा काढला.

पळसखेड शिवारात राजाराम जायभाये यांची आरोपीने गळा दाबून हत्या केला.मृतक हा आरोपीच्या शेतात टँंक्टरने नागरणी करण्यासाठी २८ ऑक्टोंबर रोजी गेला होता. पण तो घरी परतला नाही. त्यानंतर तंटामुक्ती अध्यक्षाने आरोपी संतोष थोरावे यांच्या शेतात राजाराम हा मृत झाल्याचे सांगितले.

त्यानंतर पोलिसांनी तपास केला तर, आरोपीचे मृतकाची पत्नीशी अनैतिक सबंध होते. म्हणून राजाराम जायभाये हा दोघांच्या संबंधात अडसर ठरत असल्याने त्यांचा गळा दाबून खून केला उघड झाले.या तक्रारी करून पोलिसांनी आरोपी संतोष मदन थोरावे (वय ३४) रा.पळसखेड यांच्या विरुद्ध ३०२ चा गुन्हा दाखल करून आरोपीला शिताफीने अटक केली. (Latest Marathi News)