अमरावती - राज्यभरात लाडक्या बाप्पाला निरोप दिला जात आहे. राजकीय नेत्यांनी देखील गणेशोत्सवाच्या निमित्ताने भेटी गाठी घेतली. तसेच त्यांच्या घरच्या गणपतीला निरोप दिला. त्यातच काँग्रेसच्या नेत्या आणि माजीमंत्री यशोमती ठाकूर यांनी मोठा दावा केला आहे.

कॉंग्रेस नेत्या व आमदार यशोमती ठाकूर यांनी मोठा दावा केला की, आज गणपती बाप्पा जात आहेत. ते जेव्हा पुढच्या वर्षी येतील तेव्हा त्यांच्याच आशीर्वादाने काँग्रेसचे सरकार स्थापन झालेलं असेल. राज्यात जे काही सुरू आहे तो वेडेपणा आहे.

वास्तविक 99 टक्के सत्ताधारी राजकारण करीत आहेत. तर आम्ही समाजकारणाच्या जवळ आहोत. त्यामुळे देशात पुढचं सरकार काँग्रेसचेच असेल, असं ठाकूर यांनी म्हटलं आहे.

राष्ट्रवादीचे आमदार रोहित पवार यांच्या कंपनीवर झालेल्या कारवाईवर यशोमती ठाकूर यांनी प्रतिक्रिया दिली. कारवाई सत्ताकारणासाठीचा गोंधळ आहे. रोहित पवार ऍक्टिव्ह झाले आहेत, स्वतः रोहित पवार हे सुप्रिया सुळे व शरद पवार यांच्या सोबत महाराष्ट्रभर फिरत आहेत. त्यामुळे त्यांच्यावर दाबव आणण्यासाठी हे भाजपच काम असेल किंवा त्यांच्या परिवारातील असेल असंही यशोमती ठाकूर यांनी म्हटलं.