महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता फडणवीस यांना सोशल मीडियावर शिवीगाळ केल्याप्रकरणी एका महिलेला अटक करण्यात आली आहे. या महिलेचा मोबाईल जप्त करण्यात आला आहे. बनावट फेसबुक अकाऊंटच्या माध्यमातून ही महिला शिवीगाळ करत असल्याचं समोर आलं आहे. (Amruta Fadnavis)

या प्रकरणात ठाणे जिल्ह्यातून या महिलेला अटक करण्यात आली आहे. या महिलेचं नाव स्मृती पांचाळ असं आहे. पोलिसांनी या महिलेचा मोबाईल जप्त केला आहे. या महिलेने गणेश कपूर या बनावट नावाने अमृता फडणवीस यांना शिवीगाळ केली होती. ७ सप्टेंबर रोजी अमृता फडणवीस यांच्या फेसबुक पोस्टखाली या महिलेने अपमानास्पद पोस्ट टाकल्या होत्या.

या पोस्ट्स अत्यंत अर्वाच्य शब्दांत होत्या. त्यामुळे पोलिसांनी त्याच वेळी एका अज्ञात फेसबुक युजरविरोधात गुन्हा दाखल केला होता. अटक केल्यानंतर ही महिला फेक अकाऊंट वापरून शिवीगाळ करत असल्याचं समोर आलं. तिने गणेश कपूर या नावाने फेक अकाऊंट तयार केलं होतं.